Энэ захиаг АНУ-д болон бусад гадаадын орнуудад амьдарч байгаа Mонголчуудынхаа өмнөөс бичиж байна. Эх орны хишгээ аваарай гэж зурагт радиогоор шавдуулах болсон болон Ганди сайд гадаадад байгаа иргэдийг нотариатаар батлуулсан итгэмжлэлээ явуулах хэрэгтэй гэсэн гэж Монголдоо суугаа ах дүүс маань утасдлаа. Ингэж сонссоод Вашингтон ДС-д байдаг ЭСЯ-наас лавласан юм. Ажилтан нь итгэмлжлэл ($30), тодорхойлолт ($10) хийлгэх хэрэгтэй, нийт үйлчилгээний хөлс нэг хүний $40 болно гэж байна. Тэгэхээр ухаандаа 70 мянган төгрөг авах гээд багаар бодоход 56 мянга, ДС-д биш өөр мужид суудаг бол шуудангийн зардал, нотариатын хөлсний мөнгөн гуйвуулгын төлбөр энэ тэр нэмэгдээд 65-70 мянган төгрөг зарлагдах болж байнаа даа? Үнэхээр дүндээ дүн болж байна, нэг гараараа өгөөд нөгөө гараараа хармаанаас минь авч байгаагаас ялгаагүй л юм... Тэгээд мэдээж ямар шууд өгчих ч биш дээ, Монголд гэхэд дараалалд зөндөө хүлээнэ, цаг зав зөндөө гарздана. Ингэж бодоод ах дүүсээ, тэдний цаг завыг хайрлаад авахаа болихоор шийдлээ. Гэтэл бас тийм биш юмаа.

Учир нь ганц би төдийгүй АНУ-д болон бусад орнуудад байгаа монголчууд ийм байдлаар татгалзвал нэлээдгүй мөнгө болох юм байна. АНУ-д 20,000 орчим Монголчууд байдаг гэдэг. Тэгвэл  x 70,000 төгрөг гэхээр хэн ч татгалзмааргуй нийлбэр гарч байна. 1,400,000,000 төгрөг болох нь. Бусад орнуудад амьдарч буй монголчууд нэмэгдээд бүр ч их болох бололтой.

Тэгэхээр энэ мөнгийг ингэж өгсөн өгөөгүйн хооронд гээгдүүлсний оронд (мэдээж алга л болно) эсвэл олгох журмыг өөрчлөх эсвэл энэ мөнгөөр ямарваа  нэг бодитой зүйл хийж бүтээхэд гадаадад суугаа монголчууд маань дургүйцэхгүй буй заа. Жишээ нь, хүүхдийн паркийг засаж шинэчилж болох юм. Иймд энэ асуудлыг яаралтай шийдвэрлэж өгөхийг та бухнээс хvсье.

Энэ захидлын хувийг Oрлоо.сом руу болон нийтлэгч Галбадрах, Тэмүүжин, Цэнддoo нарт илгээлээ.

Хүндэтгэсэн,

Жирийн нэгэн монгол иргэн

Жич: Та бүхэнд байдлыг бүрэн ойлгуулах үүднээс зарим нэг тайлбарыг энд бичиж байна.
Гадаадад суугаа монголчуудад эх орны хишгийг хүртээх тухай захидлыг уншсан болон сэтгэгдлээ улдээсэн та бүхэндээ талархья. Ганцхан өдрийн дотор 1000 гаруй хун үзсэн нь гадаадад амьдардаг бидэнд Монголынхоо төлөө гэсэн сэтгэл байдаг гэдгийн нэг том илэрхийлэл юм. Монголчууд маань 70,000 төгрөгөө эх орондоо хандивлах гэсэн сэтгэлтэй ч тэр мөнгө маань хэн нэгний хармаанд тунаж улдэлгүй үнэхээр хийх естой зүйлдээ зарцуулагдана гэдэгт харин итгэж чадахгүй байна. Хэрэв бид мөнгөө хандивлаж байгаа бол буцаад бидэнтэй эргэх холбоотой, тайлан тооцоотой, хяналттай байх естой гэсэн санал тавьж байгаа нь үнэхээр зөв юм. Аль ч хандивлагч, банк, сангаас зээл авсан, төсөл хэрэгжүүлсэн ийм л шаардлагатай байдаг. Бид бүгд нийлээд бас тэднээс дутахгүй хөрөнгө оруулж чадах нь. Бидний итгэлийг даах эсэх нь эрх баригчдаас шалтгаалах хэдий ч бид бас зүгээр суухгүй хяналт тавьж, шаардах эрхтэй билээ.

Тийм ч учраас анхан захидлыг бичээд УИХ-ын нийгмийн бодлогын хорооны гишүүд (Алтай, Бадамсурэн, Х. Баттулга, Бямбацогт, Баярсайхан Ц.,Даваасүрэн Ц.,Дашдорж, Дондог, Загджав Д., Тлeйхан, Ламбаа, Кекүшюзан Батбаяр,Одбаяр, Оюунхорол, Улаан, М.Энхболд, Ө.Энхтүвшин болон Оюун гэсэн нэр бүхий 18 гишүүнд), НХХЯ-ны сайд Ганди, дэд сайд Нямхүү нарт өчигдөр өглөө и-мэйлээр явуулсан юм. Мөн нэг хувийг Eрөнхийлөгч Ц. Элбэгдoржид илгээсэн. И-мэйлийн Cc хувийг орлоо.сом, болон нийтлэгч Цэнддоо, Галбадрах, Тэмүүжин нарт явуулсан болно.

Одоогийн байдлаар нэг ч хүн хариу өгөөгүй, харин орлоо.сом-нхон вэбсайт дээр байрлуулж олонд түгээлээ.

Албан тушаалтнуудын хаягийг доорх вэбсайтаас авсан болно.

http://www.pmis.gov.mn/parl_mon.htm

Зaхидлыг нийтэлж олны сонорт хvргэсэн Орлоо.сом-ынхонд баярлалаа

Жирийн нэгэн монгол иргэн