М.И.Глинкийн нэрэмжит олон улсын дуулаачдын XXIV уралдаан ирэх сарын 3-15-нд Москвад болно. Уламжлалт энэхүү уралдааны тэргүүн байрт ДБЭТ-ын гочлооч С.Мөнгөнцэцэг шалгарч байсан билээ. Тэгвэл энэ удаагийн уралдаанд ДБЭТ-ын Ш.Наранчимэг, Г.Шижирболд, Ө.Уянга, Э.Анхбаяр, ЦДБЭЧын Б.Батбаатар, Ч.Бадрал нарын залуу дуучид оролцох аж.

1960 оноос гараагаа эхэлсэн М.И.Глинкийн нэрэмжит олон улсын дуулаачдын уралдаанд алдарт Е.Нестеренко, Е.Образцова нарын мундгууд “шандас сорьж” байсан гэхээр чансааг нь илтгэх биз ээ. Уралдааны эхний шатанд XIXXX зуунд бүтээсэн дуурийн ари, XVII-XVIII зууны кантат болон оратори буюу магт дууг дуулах бол дараагийн шалгаруулалтад М.И.Глинкийн романсуудаас дуулах ёстой.