Бичлэгийн тоо 3,329
Нас өндөр болохоор гэр сахиж, хүүхэд харахаас өөр үүрэггүй, нэг үгээр хүнд хэрэггүй болсон мэт санагдаж, сэтгэлийн гүнд нь гуниг хурдаг талаар эмээ минь ярьдагсан. Ахмадуудад зориулсан олон нийтийн арга хэмжээ, чөлөөт цагаа өнгөрүүлэх газар ховор байдгаас өндөр насны тэтгэвэрт суух нь нийгмээс тусгаарлагдана гэсэнтэй агаар нэг байдаг. Харин энэ орон зайг нөхсөн арга хэмжээ өчигдөр боллоо.
“Бие бялдрын эрүүл мэнд, чийрэгжүүлэлт”-ийн үндэсний хөтөлбөр, “Монгол Улсын хүн амын насжилтын асуудлаарх үндэсний стратеги”-ийг хэрэгжүүлэх ажлын хүрээнд 2011 оныг ЭМЯ-наас “Нийгмийн эрүүл мэнд, нийтийн биеийн тамирыг дэмжих жил” болгон зарласан билээ.
Энэ ажлын хүрээнд ЭМЯ, Геронтологийн
төв, Засгийн газрын хэрэгжүүлэгч агентлаг Биеийн тамир спортын газар,
Насжилт судлал, настны эмгэг судлалын нийгэмлэг хамтран
нийслэлийн төвийн зургаан дүүргийн өндөр настнуудын дунд “Агаарт
хэмнэл” настны аэробик дасгалын тэмцээнийг өчигдөр зохион байгууллаа.
Тэмцээнд оролцогч эрчүүдэд 60-аас
дээш, эмэгтэйчүүдэд 55-аас дээш настай байх шаардлага тавьсан бөгөөд
хамгийн өндөр настай нь эрэгтэйчүүдээс ХУД-ийн иргэн 84 настай Н.Мижид,
эмэгтэйчүүдээс Чингэлтэй дүүргийн иргэн 81 настай Д.Нармандах байлаа.
юм. Арван багийн 240 гаруй тамирчин өрсөлдсөн “Агаарт хэмнэл”
тэмцээний ялагчаар Чингэлтэй, Сүхбаатар дүүргийн баг, шилдэг
тамирчнаар Сүхбаатар дүүргийн Ц.Бор, Б.Цэрэннадмид, Б.Хандсүрэн,
Чингэлтэй дүүргийн Ч.Болдбаатар, Н.Гүндэгмаа, Ц.Мягмарсүрэн,
Д.Нармандах, Хан-Уул дүүргийн Г.Халтмаа, Н.Мижид, Баянзүрх дүүргийн
Л.Буяндэлгэр, Сонгинохайрхандүүргийн С.Гэндэн, Баянгол дүүргийн
С.Баасанжав нар шалгарлаа. Тэмцээний ялагчид энэ сарын 30-нд болох
Монголын гимнастикийн холбооны 50 жилийн ойн тоглолтонд оролцох аж.
