Өнгөрсөн сард осолдсон Өмнөд Солонгосын “Sewol” хөлгийн аврах ажиллагаа явуулж байсан 53 настай шумбагч амиа алджээ. Шумбагч Ли эмнэлэгт ухаангүй хүргэгдэж ирээд нас барсан байна. Ли шумбагч далайн аврах ажиллагаанд олон жил зүтгэсэн ахмад ажилтан байжээ. Тэрээр 25 метрийн гүнд шумбаад таван минутын дараа ухаан алдаж, холбоо тасарсан тул аврагчид уснаас татаж гаргаж ирсэн гэнэ. Аврагчид цаг агаарын таагүй нөхцөлд ажиллаж байгаа тул тэдний эрүүл мэнд, аюулгүй байдлыг сайтар хангах ёстой гэдгийг сайтар анхааруулж байна. Гэтэл өнгөрсөн долоо хоногт 31 настай шумбагч ухаан алдсан болохыг гэрчүүд нотолжээ. Усан онгоцны 476 зорчигчийн 174-ийнх нь амийг аварсан бол 262 хүн амь үрэгдсэн. Одоо сураггүй алга болсон 40 хүний цогцсыг эрэн хайх ажиллагаа үргэлжилж байгаа билээ.
