Бичлэгийн тоо 3,329
Өнгөрсөн
долоо хоногт Засгийн газрын бондын хоёрдогч зах зээлийн арилжааг анх
удаа явууллаа. Олон улсын үнэт цаасны бүртгэлийн (ISIN) дугаар олгогдсон
тус бондын хоёрдогч зах зээлийн арилжааг олон улсын жишигт нийцсэн
зарчмын дагуу явуулснаараа онцлогтой байв.
Энэ төрлийн үнэт цаасны хоёрдогч зах зээл нээгдсэнээр түүний арилжааны үнийн дүн, өгөөжийн муруй (yield curve) зэрэг үзүүлэлтийг ажиглан богино, урт хугацааны зээлийн суурь индекс тогтоох боломжтой аж. “Хоёрдогч зах зээл бий болсноор үнэт цаасны хөрвөх чадвар болон хөрөнгө оруулагчдын идэвхийг сэргээхэд чухал ач холбогдолтой” гэж Монголын хөрөнгийн биржийн мэргэжилтнүүд онцоллоо. 2000 оноос хойш манай үнэт цаасны зах зээлд Засгийн газрын бондыг арилжаалж эхэлжээ.
Иргэдийг хөнгөлөлттэй нөхц өлөөр орон сууцтай болгох, жижиг, дунд үйлдвэрлэл, ноос ноолуурын салбарыг дэмжих бүтээн байгуулалтын зорилготой бондыг энэ хугацаанд гаргаж байжээ. Дашрамд дурдахад, өмнөх онд нийт 236.7 тэрбум төгрөгийн бондыг анхдагч зах зээлд арилжсан аж.
