Гадаадад ажиллаж, амьдарч байгаа монголчуудын саналыг авах журмыг ГХЯ, СЕХ хамтран баталсан. Уг журмын дагуу бол харьд байгаа иргэд маань сонгуульд оролцохоор бүртгүүлэх, саналаа өгөх гэж хоёр удаа Дипломат төлөөлөгчийн газар байгаа хотыг зорьж, мөнгө, цагаа үрэхээр байсан юм. Үүнийг АН-ын дарга, УИХ-ын гишүүн Н.Алтанхуяг шүүмжилж, иргэддээ хүндрэл учруулахг үйгээр, нэг л удаа Дипломат төлөөлөгчийн газарт очиж санал өгөх боломжоор хангахыг шаардаж байсан. Түүний энэ саналаар асуудлыг шийдэхээр болжээ. АНУ-д гэхэд Монгол Улсыг төлөөлсөн Дипломат төлөөлөгчийн газар ердөө Сан-Франциско, Вашингтон хотод л байдаг аж.

Нью-Иорк, Чикаго зэрэг монголчууд олноор амьдардаг хотод сонгуульд оролцохын тулд эхлээд бүртгүүлнэ, дараа нь саналаа өгнө гэхчлэн хоёр ч удаа зардал чирэгдэл, маш их цаг зарцуулах энэ асуудлыг холбогдох байгууллагууд бодолцож үзэлгүй журмаа баталсан нь гадаад дахь монголчуудаас ч багагүй шүүмжлэл хүлээж байлаа. УИХ-ын Сонгогчдын нэрсийн жагсаалт, бүртгэл хяналтын дэд хорооноос “Гадаад дахь монголчууд нь УИХ-ын сонгуульд саналаа өгөхийн өмнө бүртгэлд хамрагдахдаа заавал биеэр Дипломат төлөөлөгчийн газраа очих шаардлагагүй. Утас, факс, мэйл хаяг зэргийг ашиглан бүртгэлээ хийлгэх боломжтой. Мөн шинэчилсэн бүртгэлээ хийлгүүлж, УИХ-ын сонгуульд саналаа өгөхдөө л Дипломат төлөөлөгчийн газраа биечлэн очиж болох юм” гэсэн саналыг оруулж байсан.

Гэвч МАН-ын бүлгийн гишүүд, тэр дундаа иргэний бүртгэл мэдээлэл хариуцсан Хууль зүй, дотоод хэргийн сайд Ц.Нямдорж хоёр гурван ч хурал дээр “Нэгэнтээ Сонгуулийн ерөнхий хороо, ГХЯ, Сонгуулийн тухай хуульд заасны дагуу журмаа баталчихсан байхад дахиад өөрчл өх нь тогтворгүй байдал үүсгэнэ” хэмээн эсэргүүцэж байсан. Харин УИХ дахь АН-ын бүлгийн гишүүд, тэр дундаа Н.Алтанхуягийн хувьд “Харь нутагт байгаа монголчуудаа сонгуульд оролцуулахын тулд ядаж нэг л удаа онгоцоор нисээд саналаа өгөх тэр бололцоог хуулийн хүрээнд олгох ёстой. Тэд энд амьдарч байгаа монголчууд шиг нэг дүүргээс нөгөө дүүрэг рүү очих гэж байгаа хэрэг биш.