Бичлэгийн тоо 3,329
“Монголиан Эйрлайнз” компани үйл ажиллагаандаа олон улсын жишигт нийцсэн агаарын тээвэр, аялал жуулчлал, зочид буудлын глобал үйлчилгээ үзүүлдэг “Амадеүс Алтеа” хэмээх систем нэвтрүүлжээ. Энэхүү системийг ашигласнаар интернэтээр дэлхийн хаанаас ч тийз захиалах, худалдан авах, нислэгийн хуваарь, мэдээлэл авах бололцоо нээгдэх юм.
Тухайлбал, Баянхонгор, Хөвсгөл зэрэг аймаг, суманд байгаа хүн гадаад явах тийз захиалахын тулд заавал Улаанбаатарт ирэх шаардлагагүй. Мөн гадаадад буй ямар ч орны иргэн аяллынхаа тийзийг тус компанийн вэбсайтад холбогдож захиалах боломжтой. Уг систем нь тийз захиалга, борлуулалтын үйлчилгээг шуурхай болгох, аялал жуулчлалыг хөгж үүлэх, агаарын тээврийн компаниудын өрсөлдөх чадварыг нэмэгдүүлэх, олон улсын стандартад нийцсэн цогц үйлчилгээг хүргэж буйгаараа ач холбогдолтой гэнэ.
