Эцгийн сургаалаар явагч, эрдэм билиг сурахад дуртай, энэрэх ухаантай хөвгүүн лүгээ нэг,
Ах дүү хэн ч дор аятай, алин дор зарваас ялгуун сайн, ааль зан нь дөлгөөн номхон,
Уургүй, шударгуу хөвгүүн лүгэ хоёр,
Алиа наадангуйгээр үл явагч, арга санаан дор цэцэн сайн, аж төрөх дор маш зүтгэлтэй, ажилд бүтэмжтэй хөвгүүн лүгээ гурав болой.
Эгүүрд муу хөвгүүн:
Эцгийн сургаалыг үл сонсогч, эгнэгт тэнэг бөгөөд эхнэр, эд малаа нууж худалдагч эгэл муу хөвгүүн лүгээ нэг,
Алиа болоод эрх танхи, ахас ихэсийг хараагч, алин дор ч зарваас ашид үл хөдлөгч адаг муу хөвгүүн лүгээ хоёр
Аяган дахь идээгээ чамлан айлын идээнд гүйгч, аливаа хов үгсийг зөөгч асар муу хөвгүүн лүгээ гурав болмой.
Сайн охины ёс:
Сайн сайхан гоо зүстэй бөгөөд санаа сэтгэл нь номхон, дөлгөөн саруул ухаантай охин лүгэ нэг,
Хэний ч сургаалаар явагч, эгч дүү лүгээ эвтэй, эсгэж оёхуй дор уран, эрхийн сайн охин лүгээ хоёр,
Алиа наадам дор дургүй , аху биеэ хичээн хадгалаад, ахас ихэсийг зэргээр хүндлэгч, уур хилэн үгүй ааль сайт охин лүгээ гурав болой.
Асар муу охины шинж:
Авир дүр нь чөтгөр мэт, ааль зан нь сармагчин мэт, асар их ууртай, ааштай охин лүгээ нэг,
Ачит эцэг эхээ сургаваас уурлан, ах дүү лүгээ хэрэлдэн хараагч, алиа наадангүй дор машид баясагч, айл хэсэгч охин лүгээ хоёр,
Айх ичихийг үл мэдэн, ажиггүй шалиг үг хэлэлцэн, алиа садар самуун явдалтай аашт муу охин лүгээ гурав болмой
Эх орон гэдэг төрж өссөн нутаг ус
Эх орон гэдэг төрүүлж өсгөсөн эцэг эх
Эх орон гэдэг мөр зэрэгцсэн анд нөхөд
Эх орон гэдэг мөнгөөр үнэлшгүй хувь заяа