Өвлийн сар гарч айлууд идшээ базааж эхэлсэн үед Завханд махны эрэлт ихэсч, үнэ нь нэмэгдсэн гэнэ. Тэнд өнөөдрийн байдлаар үхрийн мах 3500-4500, хониных 3000-3500 төгрө- гийн ханштай ч олдоц муу байгаа аж. Тиймээс Махны үйлдвэр нь зэргэлдээх Говь-Алтай аймгаас мах бэлтгэж байна гэсэн сураг сонсогдов.
Энэ талаар тус аймгийн Онцгой байдлын хэлтсийн дарга, дээд ахмад Ю.Бямбадоржоос тодруулахад “Манай аймагт өнгөрсөн намар махны үйлдвэр ашиглалтад орсон. Аймгийн төвд мал нядлахгүй байгаагаас тэд Говь-Алтайгаас махаа татаж байж магадгүй.
Хойд талын сумдаар өвөлжилт хүндэрч зарим малчид малаа нядалж байгаа ч мах нь Улаанбаатар руу нийлүүлэгдэж байна” гэв. Түүнчлэн нийслэлээс ченжүүд ирж малчдаас өндөр үнээр мах авч эхэлсэн нь үнэ өсөх шалтгаан болсон гэнэ.
www.mongolnews.mn - Эх нутгийн чимээ
