АСЕМ-ын орнуудын Цагаачлалын албадын удирдах ажилтны ээлжит X хурал 2011 оны есдүгээр сард Монгол Улсад болно. Гадаадын иргэн, харьяатын асуудал эрхлэх газрын дарга Д.Мөрөн тэргүүтэй төлөөлөгчид өнгөрсөн арваннэгдүгээр сарын 20-23-нд Брюссель хотноо хуралдсан АСЕМ-ын орнуудын Цагаачлалын албадын удирдах ажилтны IX хуралд оролцохдоо дараагийн хурлыг эх орондоо зохион байгуулах хүсэлтээ уламжилж, бэлтгэл ажлынхаа талаар бүсийн хуралдаанд дэлгэрэнгүй танилцуулжээ. Уг хүсэлтийг бүсийн болон нэгдсэн хуралдаанаар санал нэгтэй дэмжсэн байна.
