Монгол Ардын Намыг байгуулсан анхны долоон хүний нэг болох Солийн Данзангийн нэрэмжит сан байгуулагджээ. Эх орноо харийн дарлалаас чөлөөлж, тусгаар улсаа байгуулах үйлсэд зүтгэж байсан түүний гавьяаг мөнхжүүлж, хойч үед нь сурталчлах, өв сургамжийг үлдээх нь сангийн зорилго юм байна.
Тус санг МАН-ын нарийн бичгийн дарга Я.Содбаатар тэргүүлэх гэнэ. Сангийн Удирдах зөвлөл есөн гишүүнтэй. Тэд ирэх онд С.Данзангийн тухай ном, эмхтгэл гаргах, баримтат кино бүтээх, түүний санаачилсан эдийн засгийн үзэл баримтлал, бодлогыг сурталчлах, эрдэмтдийн дунд эрдэм шинжилгээний бага хурал зохион байгуулахаар төлөвлөжээ.
