Бичлэгийн тоо 3,329
Японы
“Softbank Corp” компани Монголын “Newcom” групп хамтран 300 мВт-ын
хүчин чадалтай салхин цахилгаан станцыг говьд барихаар судалгаа хийж буй
тухай “Bloom berg” мэдээлэв. “Softbank Corp”-ийн хэвлэлийн төлөөлөгч
Наоки Накаямагийн хэлснээр цэвэр эрчим хүчний чиглэлээр ажилладаг охин
компани нь болох “SB Energy Corp” болон “Newcom” групп дээрх станцын
ТЭЗҮ-ийг боловсруулахаар ажиллаж эхэлжээ.
Тэд 2014 оноос станцын барилгын ажлыг эхлүүлэхээр төлөвлөж буй бололтой. “Newcom” группийн гүйцэтгэх захирал Б.Бямбасайханаас энэ талаар тодруулахад “ТЭЗҮ боловсруулахаар ажиллаж байна. Үүний дараа шаардагдах хөрөнгийг хэрхэн босгох тухай хэлэлцэнэ. Манай компани сүүлийн 3-4 жилд говьд салхин станц барих боломжийг судалсан. Бүс нутагтаа манай говь салхины нөөц ихтэй” гэв.
Монгол, Япон, БНСУ, ОХУ, БНХАУ-ын компаниуд хамтран “Азийн эрчмийн супер сүлжээ” төслийг хэрэгжүүлж буй. Уг төсөл нь бүс нутгийн эрчим хүчний зах зээлийг бий болгоход чухал нөлөөтэй аж. Дашрамд дурдахад, “Newcom” группийнхэн Төв аймгийн Сэргэлэн суманд барьж байгаа 50 мВт-ын хүчин чадалтай салхин станцынхаа долоон турбиныг суурилуулж амжжээ.
mmmmmmmm