Регбийн шигшээ багийн тамирчин Ганболдын Хосбаяр, Доржийн Баярманлай нар Хонконгийн “Пандас” клубт хагас жилийн гэрээтэй тоглож байна. Манай легионерууд энэ хугацаанд лигийн тэмцээнд хүч үзэхээс гадна Азийн регбийн холбооноос зохион байгуулах дасгалжуулагч, шүүгчийн сургалт семинарт хамрагдаж, үзүүлэх тоглолтуудад оролцох ажээ. Дашрамд сонирхуулахад Г.Хосбаяр өмнө нь 2007 онд Хонконгийн “Кowloon” багт Д.Энхбатын хамтаар дөрвөн сарын хугацаатай дээд лигт тоглож байсан туршлагатай тамирчин төдийгүй Монголын регбийн холбооны шигшээ багийн дасгалжуулагчаар ажилладаг билээ.