Орчин үеийн дипломат алба Монгол Улсад үүссэний 100 жилийн ойн хүрээнд Гадаад харилцааны яам, Монгол туургатны шатрын холбоо, “Дэлхийн монголчуудын чуулган” хамтран зохион байгуулж буй, Чин ван М.Ханддоржийн нэрэмжит шатрын олон улсын тэмцээн өчигдөр эхэллээ. Уг тэмцээнийг 21 жилийн тэртээ Гадаад харилцааны сайд асан Ц.Гомбосүрэн санаачлан анх зохион явуулжээ.
Энэ жилээс тус тэмцээнийг олон улсын статустай болгон, шагналыг Олон улсын шатрын холбоо (ФИДЕ) дааж, шагналын санг 25 мянган ам.долларт хүргэжээ. Тэмцээн нь их мастер, олон улсын мастер цолны болзолтой. 6.5 оноо авсан нөхцөлд их мастерын нэг баллын болзол хангах юм. Хоёр ангилалтай тус тэмцээний “А” ангилалд өндөр чансаатай 10 ша тарчин тойргоор өрсөлдөж, медальтнуудаа тодруулна.
Түрүүлсэн шатарчинд 5000 ам.доллар гардуулна. 2050-аас доош рейтэнгтэй шатарчид энэ сарын 9-нөөс “В” ангилалд ухаанаа уралдуулна. Энэ ангилалд манай улсын 100, гадаадын 20 орчим шатарчин рапид буюу түргэн тоглолтоор тог лож, тэргүүн байр эзэлсэн нь 1500 ам.долларын мөнгөн шагнал хүртэх юм.
“А” ангилалд Антон Шомоев ОХУ (2578), Б.Гүндаваа (2478), Олег Бадмациренов ОХУ (2464), Б.Мөн гөнтуул (2459), Ц.Батчулуун (2446 ), Болат Ассанов Казахстан (2442), Д.Шаравдорж (2440), Киванч Хаже да роглуу Турк, Б.Хатанбаатар (2344), Т.Батчимэг (2324) рейтэнгтэй өрсөлдөж байна. Хоёр ангиллын медальт болон шагналт байр эзэлсэн шатарчдын нэрс ням гаригт тодорно.
