Бичлэгийн тоо 3,329
Хонконгийн биржид IPO хийх 42 компанийн жагсаалтад Тавантолгой багтжээ
Уншсан 7036 vote 0 2011.12.02 15:11:59
Энэ
оны сүүлч болон ирэх онд Хонконгийн хөрөнгийн биржид IPO буюу шинээр
хувьцаагаа гаргах компаниудын жагсаалт гарсныг “Reuters” мэдээллээ. Тус
биржид IPO хийхээр төлөвлөж буй томоохон 42 компанийн нэр дотор Монголын
Тавантолгойн нүүрсний ордын IPO-г дурджээ. Үүнд бичсэнээр ирэх оны
эхний улиралд багтаан Тавантолгойн нүүрсний ордын IPO-г хийн 1.5-5.0
тэрбум ам.долларын орлого олох гэж буй, хувьцааны үнэлгээ, борлуулалтад
“Macquarie” зөвлөж, зохион байгуулагчаар “BNP Paribas”, “Deutsche”,
“Goldman Sachs” банк ажиллана гэсэн байна.
Өнгөрсөн
жил гэхэд 95 IPO хийж, 51.8 тэрбум ам.доллар босгосон Хонконгийн
хөрөнгийн биржид манай Тавантолгойгоос гадна “Chinalco”-гийн Перу дахь
зэсийн орд, “En+Group”, “Hong Kong Airlines”, “EuroSibEnergo” зэрэг
компани хувьцаагаа арилжихаар төлөвлөж буй аж. Хөрөнгө оруулалтынхаа
хэмжээ гээр дэлхийд нэгдүгээрт эрэм бэ лэгдэх болсон тус биржид
1400-гаад компани бүртгүүлээд байгаа ба зах зээлийн нийт үнэлгээ нь 2.6
их наяд ам.долларт хүрчээ. Одоогоор тэнд Монголын “Mongolian mining
corporation”, “Mongolia energy corporation” компани хувьцаагаа арилжиж
байгаа билээ.
