Эрхэм хүндэт элчин сайд таньд энэ өдрийн амар амгаланг айлтган асуух зүйл байгаагаа уламжлая.
Дэлхий нийтийн анхаарлын төвд байгаа халуун цэг болсон (хэвлэл мэдээллээс авсан ойлголт) Зүүн хойд Азийн нутаг дэвсгэрт багтах Солонгосын хойг дээрх байдлын талаар Монгол улсын албан ёсны байр суурийг БНСУ-д байгаа монголчууд болон тэдний ар гэрийхэн, найз нөхөд нийт монголчуудад ойлгогдохоор дэлгэрэнгүй тайлбар гаргаж өгөхийг хүсье.
БНСУ-д байгаа монгол улсын иргэд онц байдлын хэдий үед хэрхэн биеээ авч явах
БНСУ-н аль хэвлэл мэдээлэл болон радио,тв-н зааврыг дагах
БНАСУ-н цөмийн туршилт хийж буй газарт ойрхон ажилж амьдарч буй иргэдэд хордлогын аюул бий эсэх
БНСУ-н онц байдлын (дайн, мөргөлдөөний үе ) үед дагах журам гэж байдаг бол олон нийтэд танилцуулж долоо хоногт нэг удаа мэдээлэл хийж өгч байна уу?
Та цаг зав гарган боломжтой гэж үзвэл энэ сайт болон олон нийтийн хэвлэл мэдээллээр хариу өгнө үү?
Жич: та үнэхээр зав чөлөөгүй уулзалт хэлэлцээр хийж Монгол улсын төрийн ажил болон 2,7 сая ард түмний өмнө хүлээсэн үүрэгт ажилдаа түүртээд дөнгөж 30 000 (гучхан мянган) хүний талаар бодох боломжгүй байгаа гэдэгт итгэж байна. Тиймээс та ядаж хэвлэл мэдээлэл хариуцсан хэн нэгнээрээ ч юм уу консулын албандаа Солонгосын хойгийн өнөөдрийн байдал болон үүсэж болох нөхцөл байдалд монгол хүн хэрхэн хандах вэ? гэдгийг мэдээлж өгнө үү? гээд хэлээд өгөхийг хүсье.
Энэ хүсэлтийг бичээд бүтэн долоо хонолоо. Өнөөдөр баасан гараг, энэ байдлаараа хагас бүтэн сайн гээд Монгол улсын төрийн төлөөлөл болсон элчин сайд болон элчин сайдын яамнаас визтэй визгүй хэдэн хүндээ ганц ч үг ган хийхгүй нь ээ.
Ийм зүйл болсон нь харамсалтай үүнийг магадлая, та бүхэн амар амгалан ажлаа хийцгээ гээд ядах наа хэлчихвэл сүх далайтал (үхэр) монгол амар байхгүй юу?
Арай экс ерөнхийлөгч Энхбаярын хүн гээд Ардчилсан ерөнхийлөгч маань хусна гээд айлгаад бүр нэг ажил хийх сонирхолыг нь "чад" хийчихсэн биш байгаа даа.
"Ардчилал бол хэн нэг нь эрх мэдэл авахдаа биш тэр эрх мэдлийг ард түмэнд эдлүүлэхдээ байдгийг дахин сануулахад илүүдэхгүй нөхцөл байдал Монголд байсаар байна. Монголын төр хуулиар булаасан эрх мэдлийг хуулиар буцааж олон нийтэд өгөх цаг болсон. Иргэдийн өөрсдөө шийдэж болох, ялангуяа орон нутагт, бизнесийн болон мэргэжлийн олон нийтийн байгууллагад байх ёстой ажил үйлчилгээ, эрх мэдлийг шилжүүлэх цаг нь болсон гэж хэлэхэд одоо оройтохоор болчихоод байна" гэж шинэ ерөнхийлөгч маань тангараг өргөх үедээ төрийн түшээд нарт хандаж ард түмний өмнө ил хэлсэн үг. Их хурал, засгийн газар нь ч дүүр ч ерөнхийлөгчин мэдлийн биш юм гэхэд элчин сайдууд бол шууд ( ерөнхийлөгч) тэдний хүмүүс гэж ойлгоод байдаг юм ш дээ би.
БНСУ-н нийслэл Сөүл хотын төвд байдаг монгол улсын газар нутгаас монголын ард түмний бүх нийтээр сонгосон ерөнхийлөгчийн итгэмжлэлт төлөөлөгч элчинд сайд Д.Гэрэл гэдэг дипломатч монгол улсын иргэн хүнээр ахлуулсан монгол төрийн түшээдийн бөөгнөрөлөөс ганц үг унагаж авах гээд л энэ бүгдийг би бичээд байгаа юм шүү. Уг нь их том нэр шүү яам гэдэг *Монгол Улсын Элчин Сайдын Яам*
Элбэгээ ерөнхийлөгч нь таалагддаггүй юм аа гэхэд төрийн нөгөө тасралтгүй залгамж нь хаа нь байх болж байна.
Гадаад Явдлын Яамны сайд асан Ц.Гомбосүрэн гуай манай дипломатчид л Чингис хааны үеээс одоог хүртэл өөрийн бодлогоо хар хайрцагны хэмжээн хадгалж яваа гэж хэлж байсан санаанд буух юм.
Хүн чанар муу болж ээ. Эрхэм элчин сайд болон элчин сайдын яамны байшинд ажил үүрэг гүйцэтгэгч нараа. Та нарын найз нөхөд үр хүүхэд, тэдний найз нөхөд гээд БНСУ-д багаар бодоход 200 хүн бий байх шүү.
Монголчуудын клуб нэртэй ийм нэг сайт дээр ийм юм бичээд байна, хэрэв албан ёсоор хариу өгөх нь дипломат ёсны ийм ийм зүйлийг зөрчдөг учир өөр хэлбэрээр хариу өгөх боломж байна шүү дээ.
Нээрээ л дайн болвол цөмийх л болох учир ямар ч найдваргүй болоод хүн ардын сэтгэл үймүүлнэ гээд байна уу? Гэтэл дөнгөж саяхан БНСУ, АНУ-н ерөнхийлөгч нарын уулзалтан дээр Обама БНАСАУ-г цөмийн зэвсэгтэй улс гэхгүй гээд хэлчих юм. Обама нөгөө ялаа алдаг шигээ БНАСАУ-г хошгируулж байгаад чад хийх гээд байна уу? бүү мэд.
Солонгосын хойгын өнөөгийн байдлын талаар л монгол улсын бодлого болон Солонгосын хойг дээр аж төрөн байгаа монгол улсын иргэдэд хандаад мэдээ, мэдээлэл өгөөд байвал гэж бодсон юм. Энэ бол та бүхний хийх ажил чинь үүрэг чинь гэж би бодоод байгаа.
*Энэ үүргээ биелүүлэхийн тулд бүгдээрээ нэгэн сэтгэлээр хичээн зүтгэцгээе.*
Монгол Улсын ерөнхийлөгч Ц.Элбэгдорж
Миний Монгол Мөнх хөх тэнгэр лугаа оршиг.
Munkh.D
- Холбоотой бичлэг :
- http://www.mglclub.com/1833168/54a/trackback
АНУ-ын Ерөнхийлөгч Барак Обамо саяхан "БНАСАУ-ын цөмийн хөтөлбөр Азид болон дэлхий дахины энх тайван, аюулгүй байдалд ноцтой аюул занал үзүүлж чадахгүй. Манай улс түүнийг цөмийн зэвсэгтэй оронд тооцохгүй.Гэсэн хэдий ч олон улсын нийгэмлэгтэй хамтран НҮБ-ын Аюулгүйн Зөвлөлийн зохих тогтоолыг амьдралд хэрэгжүүлж, Солонгосын Хойгийг цөмийн зэвсэггүй бүс болгоход хүчин чармайлтаа дайчлах болно" гэж тус улсад ажлын айлчлал хийж буй Өмнөд Солонгосын Ерөнхийлөгч Ли Мен Бактай уулзах үеэрээ мэдэгдсэн байна.
http://news.gogo.mn/r/55416
Японы төв хэвлэл ийн мэдээллээ.Долдугаар сарын эхээр тохиож магадгүй гэж тус улсын тусгай албаныхны таамаглаж буй уг явдал үнэхээр болбол Хойд Солонгос, АНУ-ын дунд дайн дэгдэх нь гарцаагүй гэж ажиглагчид үзэж байна. “Таэпондонг-2″ хэмээх алсын тусгалтат пуужин 4000 гаруй миль буюу 6500 гаруй км зайд байгаа онох чадвартай аж. Японы өдөр тутмын “Иомиури” сонинд бичсэнээр “Таэпондонг-2″-ыг харвах бэлтгэл ажил Хойд Солонгосын баруун хойд эрэгт орших Доньчан-ни гэдэг газарт явагдаж буй аж. Японы Батлан хамгаалах яамнаас гадна АНУ-ын тусгай албад энэ талаар мэдээлэл цуглуулж байгаа гэж сонинд бичжээ. “Таэпондонг-2″ Хавайн арлуудын аль нэгэнд хүрэх чадвартай нь гарцаагүй ч Хавай мужийн гол арал буюу Солонгосын хойгоос 7200 гаруй км-ийн зайд оршдог аралд хүрэх чадваргүй гэж ажиглагчид таамаглажбайна.“Иомиури”-д бичсэнээр Пхеньяны эрх баригчид “Таэпондонг-2″-г ирэх сарын 4-8-ны хооронд харваж магадгүй аж. Учир нь анхны “Таэпондонг-2″ пуужинг Хойд Солонгос 2006 оны долдугаар сарын 4-нд туршжээ. Мөн долдугаар сарын 8 Хойд Солонгосыг үндэслэгч Ким Ир Сений таалал төгссөн өдөр аж.
Улс орных нь эсрэг аливаа дайсагнасан үйлдлийн хариуд цэргийн мянга дахин илүү хүчээр эсэргүүцэл үзүүлнэ гэж Хойд Солонгосын эрх баригчид АНУ болон холбоотнуудад нь анхааруулав. Энэ нь тус улсын цөмийн хөтөлбөрийг дэлхийн энхтайванд хамгийн ихээр заналхийлэгч хэмээсэн АНУ-ын Ерөнхийлөгч Барак Обамагийн мэдэгдэлд барьсан Пхеньяны хариу юм. Цагаан ордонд Өмнөд Солонгосын Ерөнхийлөгч И Мён Бакийг хүлээн авч уулзсаныхаа дараа хэлсэн үгэндээ Б.Обама Хойд Солонгосын цөмийн хөтөлбөрт цэг тавихын тулд АНУ боломжтой бүхнийг хийнэ гэсэн юм. Харин цэргийн ажиллагаанд урьдын адил бэлэн буйгаа мэдэгдсэн Пхеньяны дээрх мэдэгдэлд цөмийн хөтөлбөртэй байх эрх зөвхөн АНУ-ын өмч биш гэж онцолсон байна. Өнгөрөгч сарын сүүлээр цөмийн зэвсэг болон дундын тусгалтат хэд хэдэн пуужин туршсан Хойд Солонгос алсын тусгалтат хоёр ч пуужин туршихаар бэлтгэж буй тухай мэдээлэл дээрх мэдэгдэлтэй зэрэгцэн цацагджээ. Япон, Өмнөд Солонгосын албаныхны мэдээлснээр нутгийн баруун хойд, зүүн хойд эрэгт туршилтын цэгийг бэлтгэж буй аж. Хойд Солонгос зэвсэглэлээр хөөцөлдөж буйг эсэргүүцсэн НҮБ-ын Аюулгүйн зөвлөл энэ сарын 12-нд тус улсын эсрэг хоригоо чангатгахаа мэдэгдсэн бол Япон тус улстай тогтоосон худалдааны бүх гарцаа хаахаар болсон. Гэсэн ч олон улсын эсэргүүцлийг эсэргүүцлээр хариулсаар буй Хойд Солонгос уран баяжуулалтаа сэргээхээ мэдэгдсэн![North Korea[1]](http://sonin.files.wordpress.com/2009/06/north-korea1.jpg?w=268&h=201 "North Korea[1]")
Хойд Солонгосын цөмийн гурав дахь туршилтаа хийж болох 11 объектыг АНУ, өмнөд Солонгосын тагнуулын албад ажиглаж байна. Эдгээр объектын дотор өнгөрсөн тавдугаар сарын 25-нд газар дор цөмийн хоёр дахь туршилт хийсэн Хамгён-Пукто мужийн “Пунгэ-ни”-гийн туршилтын талбай багтах аж. Ажиглаж буй 11 объект нь хүчтэй дэлбэрэлтийг тэсвэрлэх чадвартай бат бэх хадархаг хөрстэй умард зүгийн нутгуудад байдаг байна. Пхеньян хотоос хойш 90 километрт орших Хойд Солонгосын цөмийн Йонбений төвөөс холгүй байх “Кимчхан-ни”-гийн газар дорхи туршилтын талбайг тагнуулын албад бас онцлон сонирхож байгааг мэдээлж байна. Тэнд цөмийн туршилт хийхээр бэлтгэж байж болох юм хэмээн АНУ-ын Тагнуулын мэргэжилтнүүд мэдээлсэн байна.
Ер нь ард түмнийх нь амьдрал үнэхээр дорой тэрийгээ ч аймар нуудаг санагдсан.
Гудамжаар 100м хүрэхгүй яваад л нөгөө 2 удирдагчых нь хөшөө самбар. автобустай орой явж байхад айлуудийн цонхоор харахад нөгөө л 2 хүний зураг зэрэгцээд өлгөөстэй байдаг юм байна лээ харсан цонх болгон тийм байсан болохоор бүгд өлгөдөг бололтой.
Социалист нийгмээсээ гарч өөрөөр хөгжихөөр бол нийслэл нь үнэхээр амархан хөгжих хот байна лээ арван хэд хонохдоо гудамжинд нэг ч хог цаас олж хараагүй ирсэн шүү тэр нь сайхан юм байна лээ (аан бас нэг ч согтуу хүн хараагүйн байна кккк).
-Олон улсын сэтгүүлч, тоймч хүний хувьд умард солонгосын болчимгүй гэмээр үйлдлүүдийг та юу гэж дүгнэж байна вэ?
-БНАСАУ-ын зүгээс сүржин гэмээр мэдэгдэлүүдийг их хийдэг л дээ. Гэхдээ далайлт нь их боловч буулт нь маш бага байдаг. Яагаад вэ гэвэл солонгосын хойгийн асуудал өнөөдөр хамгийн сонирхолтой, зөрчилтэй асуудал болоод байна. Тэнд өнөөдөр социализмын жинхэнэ нэг үлдэц, үлдэгдэл байж байна. БНАСАУ социализмын үед ямар байсан яг тэр янзаараа байж байгаа юм. Хоёрдугаарт, хүйтэн дайны дараахи цэргийн сөрөг зогсолтын нэг төв тэнд үлдчихсэн. Өмнөд солонгос АНУ-ын нэг төв байж байна. Солонгосын хойгийн асуудлаар би бол нэлээд мэрэгшсэн сэтгүүлч гэж өөрийгөө хэлж чадна. Яагаад вэ гэвэл хойт солонгосын цөмийн хөтөлбөрийн талаар хэлэлцэлд хүрэх зургаан талт хэлэлцээр таван шатыг дайрч үргэлжилсэн. Эхний дөрвөн шатны уулзалтанд нь би сурвалжлагчаар очиж ажилласан. Хойт солонгос сүүлийн үед хэд хэдэн угсраа туршилт хийгээд дунд тусгалын пуужин харваж байгаа нь хэд хэдэн агуулга санаатай.
Нэгдүгээрт, олон улсын анхаарлыг өөртөө татаж өөрсдийгөө хүчтэй гэдгээ харуулах гэсэн оролдлого. АНУ болон түүний холбоотнуудын эсрэг нэлээд чанга дугарч чаддаг хүмүүс бид нар шүү гэдгээ харуулах гээд байгаа юм. Мөн тэд ингэж асуудалд гэдийх байдлаар хандсанаас эдийн засгийн ашиг олохыг эрмэлзэж байж болох. Гэхдээ хор ypшиг нь харагдаж эхэлж байна. Умард солонгос өнөөдөр улам ганцаардаж байна. Дөнгөж саяхан НҮБ-ын аюулгүйн зөвлөл хойт солонгосын эсрэг хориг арга хэмжээгээ чангатгасан тогтоол гаргасан. Тухайлбал, солонгосын хойгийн орчим явж байгаа хойт солонгосын хөлөг онгоцуудад үзлэг, нэгжлэг хийж байна. Бараа таваарын нийлүүлэлтийг ч улам бүр чанга болгож байгаа.
-Дотооддоо ер нь ямархуу ард түмэнтэй ямар улс байдаг нь их хаалттай байдаг шүү дээ?
-Тийм. Удирдлагад нь их сонин юм байдаг. Хойт солонгост Н.Энхбаярыг Ерөнхий сайд байхад нь дагаж очиж байлаа. Бид Ким Ир Синий ордон музейд зочилсон юм. Тэнд "Нулимсны танхим" гэж танхим байна. Тэнд ороод л миний хажууд дагаж явсан орчуулагч солонгос хүн оронгуутаа шууд уйлаад л нулимс нь асгараад эхэлсэн. Ухаандаа удирдагчаа хүндэтгэн уйлж байгаа юм гэнэ. Уйлах ч ёстой гэнэ.
Хажууд байгаа бүх хүн уйлаад эхлэхэд нь би ч бас хачин байдалд орж уйлмаар ч юм шиг болоод эхэлсэн. Тэр улсын чанга хатуу байгаа нь ард түмнийг нь үнэхээр хүлээсийн байдалд байлгадаг юм билээ. Ким Ир Синий төлөө, Ким Чин Ирийн төлөө, түүний залгамжлагчийн төлөө, Социалист бүтээн байгуулалтын төлөө солонгосын ард түмний төлөө ард түмэн өөрсдөө өлсөх ёстой гэж ухуулаад яс маханд нь шингээчихсэн, ард түмэн нь хэтэрхий ядуу тарчиг байгаа нь нүдэнд ил харагддаг.