1
Атаа жөтөө жад мэт хурцлагдсан
Энэ сонин хорвоод
Алдар нэр тэнгэр тулан мөөг мэт олширсон
Энэ сонин хорвоод
Гишгэсэн газрын шавар биед наалдах
Энэ сонин хорвоод
Гадаа гарахад хүн хүнээ хэмлэж дуусах
Энэ сонин хорвоод
Хачин сайхан амьдарч байна



2
Ижийдээ үнсүүлэхэд сүү үнэртэх
Энэ сайхан орчлонд
Ингэ буйлахад зэл ганцаарддаг
Энэ сайхан орчлонд
Ирвэсийн арьс нөмөрч
Шувуудын үхлийг дэрлээд
Инээж сууч чинь таатай байна уу?
3
Алдар хүнд
Жаргал зовлон
Баяр гуниг аль аль минь тэнцүү
Харин чиний нүгэл буян хоёрын
Аль давамгайлсан бэ?
Авсан бүхэн чинь хууль бус бол
Бурханы элч мөрлөн
Буудах байгаа чамаар сонгоно

I want to
                     
 

Юу бодож буйгаа анхаарч бай

учир нь бодол үг болдог

Юу хэлж буйгаа хянаж бай

учир нь үг үйлдэл болдог

Юу хийж буйгаа анхаарч бай

учир нь үйлдэл зуршил болдог

Юуг үргэлж хийдгээ анхаарч бай

учир нь зуршил зан чанар болдог

Зан чанараа анхаарч бай

учир нь зан чанар


ХУВЬ ТАВИЛАН болдог