Дэлбээ нээн баясах цэцэгсийн гоо
Дуулиант талыг солонгоруулна
Хүсэл цугларч сэтгэл сэргээсэн энэ газар
Хорвоод төгс тэр л амгалан оршино
* * *
Холоос дуудан гүн цэнхэртэх уулс
Хосгүй өнгөөр хэлхэн хүрээлнэ
Сэтгэл тогтож тааламж төрөхүй
Салхин сэвшээ содон уянга урсгана
* * *
Наран хөвөх тунгалаг тэнгэр
Намуун талыг гоёхон бүрхжээ
Бодол анирлаж бишрэл төрүүлэхүй
Би энд цэцэгсийн хамт жаргалтай...
* * *
Аян замд гарахдаа хөгшидөөс зөвлөлгөө ав
Алсаас гэртээ ирэхдээ хүүхдээс сонин сонс.