Бичлэгийн тоо 3,329
Азийн аварга шалгаруулах мэтгэлцээний тэмцээн ирэх сарын 13-27-нд
Тайландын нийслэл Бангкок хотноо болох юм. Азийн орнуудын ерөнхий
боловсролын дунд сургуулийн сурагчдын дунд уг тэмцээнийг анх удаа зохион
байгуулж буйгаараа онцлог. Манай улсаас Боловсролын хамтын ажиллагааны
нийгэмлэг /БХАН/-ийн нэр дээр Баянгол дүүргийн Эрдмийн ундраа” цогцолбор
сургуулийн сурагч Э.Ариунболд, 13 дугаар сургуулийн сурагч М.Ивээл,
Хан-Уул дүүргийн 26 дугаар сургуулийн сурагч Ц.Хулан нар дасгалжуулагч
багш, МУИС-ийн Хууль зүйн сургуулийн гуравдугаар курсийн оюутан
Б.Шаарийбуугийн хамт оролцохоор бэлтгэлээ базааж байгаа аж.
Азийн
хүүхдүүд “Шилжин суурьшигсад” хэмээх ерөнхий сэдвийн дор мэтгэлцэх гэнэ.
“Мэтгэлцээн” хөтөлбөрийг БХАН-ийнхэн 1997 оноос хэрэгжүүлж иржээ.
Дотооддоо үндэсний томоохон тэмцээн тогтмол зохион байгуулж, гадаадын
зарим оронд болсон тэмцээн уралдаанд ч манай сурагчид амжилттай
оролцжээ. Тухайлбал, уржнан Голланд улсад болсон мэтгэлцээний тэмцээнээс
манай сурагчид багаараа мөнгөн медальтай ирсэн байна. Түүнээс гадна
хөдөө орон, нутаг нийслэлийн ерөнхий боловсролын 50 сургуульд мэтгэлцээн
клуб хичээллэдэг тухай БХАН-ийн Мэтгэлцээн хөтөлбөрийн ажилтан
Г.Оюунжаргал ярилаа.
