Монголчууд моодонд дуртай. Хувцасны загвар хөөхөөс гадна ганган машин, гар утсаараа уралдана. Ямар дугаар барьснаараа хэн болохоо илэрхийлэх гэдэг болжээ. Сонин хэвлэ лүүдээр 9911-тэй дугаар зарна. 9911-тэй, арын дөрвөн орон хос цифртэй дугаар 15 сая төгрөгөөр худалдаж авна гэсэн зар байна. Тэдний нэг рүү утас цохиход “99111377 дугаарыг 10-хан сая төгрөгөөр худалдана” гэдэг байгаа. Арын дөрвөн цифр нь хос тоо байвал харилцааны хөтөч болсон найман оронтой тоо тансаг машин, тохилог байрны үнэд хүрдэг гэнэ. Ингээд гар утасны дугаараар дагнасан чен жүүд их гарын бизнесмений тоонд орох нь тэр. Хуучин төрийн албаны томоохон дарга нар, компанийн захирлууд л ийм дугаартай байсан байх. Харин одоо мөнгөний үнэр авсан шинэ баячууд гар утасны дугаарыг үнэд хүргэжээ. Хоёр жилийн өмнө 9911-тэй дугаарыг нэг сая төгрөгөөр худалдаж байсан бол одоо баргийн хүний давахгүй даваа болов. Тэгэхээр ийм дугаар мөнгөтэй хүний нэр хүндийн баталгаа хэрэг үү. 9911-ээс эхлээд орон нутгийн 9942, 9958 гэх мэтийн жирийн дугаар бүгд “Мобиком”-ын бү- тээгдэхүүн. Гэтэл үнэ нь тэнгэр газар шиг ялгаатай. “Мобиком”-ын шинэ дугаар 7000 төгрөгийн үнэтэй. Харин дараа төлбөрт 9910, 9999-тэй дугаар 35.000-100.000 төгр өгийн барьцаатай байна. 9911-ийн араас 9909, 9908-тай ду гаарууд эрэмбэлэгдэж, тогт сон үнэтэй болсон гэнэ. 9909-тэй хос цифртэй дугаарыг нэг сая төгрөгөөр авч чадахгүй. Алинаар нь ч адилхан ярьж, ажлаа амжуулж бол но. Түүнээс өндөр үнэтэй дугаартай хүнд үйлчлэх давуу эрх үгүй. Монголчуудын моод хөөсөн хэнээрхэл зальхай ченжүүдийн олз болж байна. Юмтай хүн лаагаа иднэ үү луувангаа иднэ үү хамаагүй гэдэг үг бий. Мөнгөтэй хүн илүү байраа гар утасны дугаараас өгнө үү, машинаараа солино уу бидэнд юуны хамаа байх вэ.