Бичлэгийн тоо 3,329
ДБЭТ-ын дуучин Э.Амартүвшин, СУИСийн оюутан Ч.Энхтайван нар П.И.Чай ковскийн нэрэмжит олон улсын XIV уралдаанд эх орноо төлөөлөн оролцох болсныг бид өмнө нь мэдээлсэн. Энэ сарын 22-ноос ирэх сарын 2 хүртэл үргэлжлэх уг уралдааны E3 нүүрт III шатанд тэд тэнцжээ. Нийт 500 дуучин оролцсоноос эрэгтэйчүүдийн гоцлол дууны төрөлд Монголын хоёр дуучнаас гадна Оросын Алексей Татаринцев, БНСУ-ын Жон Мин Пак нар тунаж үлдсэн байна. Дугаар шилжих мөчид тэд Санкт-Петербург хотын “Мариинский” театрын концертийн танхимд өрсөлдөж буй. Тэмцээний ялагчдыг өнөө орой тодруулан, хүндэтгэлийн нэгдсэн тоглолт ирэх бямба гариг буюу долдугаар сарын 2-нд болно. Дашрамд дурдахад П.И.Чайковскийн нэрэмжит олон улсын уралдааны гараа 1958 оноос эхлэлтэй бөгөөд дөрвөн жил тутам зохион байгуулдаг. Таван тивийн шилдэг дуучин, хөгжимчид оролцдог уг уралдааныг сонгодог урлагийн олимп хэмээдэг.
Үр дүн нь гараад Солонгос, Оросын дуучид хамаг медалыг нь авсан тухай гараад Оросын дуучидаас өөр орны дуучин ийм олон медаль түүхэнд анх удаа авлаа гээд гарч байна лээ. Монгол дуучин хайгаад олоогүй. Энэ мэдээг үзээд гарах байх гэж бодсон чинь сураг гарахгүй л байна лээ. Үнэн зөвөөр нь мэдээлж баймаар юмаа. Өөрсдийгөө хэт дөвийлгөх юм.