Үзэгчид
ч гэсэн тоглолт эхлэхээс бараг л цагийн өмнө цугласан. Олон улсын
хэмжээний нэр хүндтэй бүжигчид П.И.Чайковскийн “Хунт нуур” бүжгэн
жүжигт, Монголын тайзнаа тоглож байгаа нь хүн бүхэнд соньхон. Манай
Дуурь бүжгийн эрдмийн театр бямба, ням гариг бүрт тоглолттой байдаг
онцлогтой. Энэ театрын хойморт дэлхийн болон үндэсний сонгодог хүртэлх
шилдэг бүтээлүүд тоглож байдаг ч энэ үдэш догдолсон, театрт ирэх гэж
гоёсон, зөвхөн энэ оройг тэсэн ядан хүлээсэн олон хүний сэтгэл хөдлөл
эрхгүй мэдрэгдэж байв.
МОНГОЛЫН СОНГОДОГ УРЛАГИЙН ШИНЭ ЭРИН ЭХЭЛЛЭЭ
Хөдөлмөрийн баатар, ардын жүжигчин Б.Жамъяндагвын нэрэмжит “Night of ballet” наадмын эхлэл болсон энэ удаагийн тоглолтыг үзэхээр ирсэн зочдын дунд УИХ-ын гишүүн С.Оюун охинтойгоо, гавьяат жүжигчин Б.Сарантуяа, Монгол Улсын баатар Э.Бат- Үүл гэр бүлийн хамт, наадмын ерөнхий ивээн тэтгэгч “Алтжин” группийн ерөнхий захирал Г.Алтан, “Төгөлдөр” сангийн тэргүүн Х.Отгонтуяа, топ модель Э.Одгэрэл, аварга Д.Сумъяабазарын гэргий Ч.Ми чидмаа, УИХ-ын гишүүн Ч.Сайханбилэгийн гэргий О.Байгаль, “Монро импэкс”- ийн захирал Р.Туяацэцэг нарын олны танил эрхмүүд байсан юм. Өмнө нь театрт ирэхийн тулд үзэгчид дор бүрнээ анхаарч хувцасладаг байсан ч энэ удаагийн тоглолтынх илүү дэгжин, хээнцэр байв.
Английн ханхүүгийн хуримын ёслолд оролцсон бүсгүйчүүд янз бүрийн торон унжлагатай, хээнцэр малгай өмссөн байсныг та бүхэн санаж буй биз ээ. Энд хүрэлцэн ирсэн зочдын зарим нь тиймэрхүү малгай духдуулж, дээдсийнх гэмээр дэгжирхлийг гайхуулж байв. Ихэнх үзэгчид хар, улаан, цагаан өнгийн хувцсаар гоёсон байв. Улсдаа олон улсын хэмжээний сонгодог бүжгийн наадам зохион байгуулж, театрынхаа хойморт 11 орны алдартай бүжигчдийг урин залж, үзэгчид нь театраа хүндэтгэн гоёсон гээд бодохоор XXI зуун, ялангуяа 2011 оноос Монголын сонгодог урлагийн нэгэн шинэ эрин эхэлж байна гэлтэй.
ХОЁР ГУРАВХАН ХОНОГ БЭЛТГЭЛ ХИЙСЭН ТАЙЗАН ДЭЭР ДАСАХ АМАРГҮЙ Ч...
Тоглолтын турш ямар нэг алдаа гараагүй. Харин мэргэжлийн бүжигчин хэрхэн дүгнэснийг хойно хүргэх болно. Зигфрид ханхүүгийн төрсөн өдрийн баяр ордны шилтгээнд өрнөж байв. Ханхүүг тайзнаа гарч ирэхтэй зэрэгцэн үзэгчид халуун алга ташилт бэлэглэн, браво хэмээн хашгирав. Улсынхаа нэрийг өндөрт өргөн, дэлхийн тайзнаа бүжиж, хамтран зүтгэгчдээ дагуулан эх орноо гээд ирсэн болохоор түүнийг зөвхөн тайзнаа гарсанд нь биш энэ их ажлыг зохион байгуулсанд талархан алга ташсан хэрэг. Хоёрдугаар давхарт, үзэгчдийн суудлын дэргэдэх шатан дээр эгнэн сууж тоглолт үзэх боломж сэтгүүлчдэд олдсон юм. Хоёр цаг гаруй үргэл жилсэн тоглолт дундаа цөөн минут завсарласныг эс тооцвол модон шатан дээр хөлөө атируулж сууснаас болж бадайрч байсан ч тайзнаа үргэлжлэх тоглолт нүд салгахын аргагүй байсан учраас хөдлөх ч хүсэл төрсөнгүй.
Ордны бүжгийн хамгийн оргил хэсэг нь падетруа. Дээр хэлсэнчлэн Куба улсын иргэн Родриго Алмарес, ДБЭТ-ын гоцлооч Б.Саруул, Г.Батчимэг нартай энэ хэсэгт бүжиглэсэн. Тэдний тоглолт сэтгэл татам болсон нь манай бүжигчдийн ур чадвартай салшгүй холбоотой. Манай театрын эмэгтэй гоцлоочид ур чадварын хувьд хэнээс ч дутахг үй гэдэг нь энэ тоглолтоос ажиглагдсан. Харин Зигфрид ханхүү зэрэг гол дүрээс бусад эрэгтэй бүжигчдийн гоцлол өмнө нь онцгой анхаарал татдаггүй байсан юм. Харин энэ тоглолтын дараа “Алиа салбадайн бүжиг ч гэсэн ийм сайхан байсан юм уу” гэсэн сэтгэгдэл төрсөн.
Хоёрдугаар бүлэгт, ордны ёслолын үеэр Оделлия буюу хар хун тайзнаа гарч ирэв. АНУ-ын алдарт бүжигчин Уитни Женсен 19 настай ч чадварлаг тоглолтоороо хэнийг ч дагуулахгүй юм билээ. Тунгалаг цэнхэр нүд, урт тэгшхэн хөл, ямар ч алдаагүй гүйцэтгэл. Энэ удаагийн тоглолтын хөгжмийг ДБЭТ-ын симфони найрал хөгжимчид тоглож, АНУ-ын “New England Conservatory” хөгжмийн сургуулийн ахлах зөвлөх, мэргэжлийн симфони найрал хөгжимчдийн холбооны удирдаач Марк Черчиль дохив. Тоглолтын дараа түүнтэй уулзахад “Би Монголд ирсэндээ баяртай байна. Биднийг зочломтгой, найрсаг угтан ав - санд баярлалаа. Олон орны бү жигчид, хөгжимчидтэй хамт ран ажиллаж байлаа. Харин Монголын уран бүтээлчид өөрийн гэсэн зорилготой, ажилдаа бүх сэтгэлээ зориулсан, шаргуу хүмүүс юм байна. Тийм ч учраас үр дүнд нь сайхан тоглолт бий боллоо. Монгол орон миний хоёр дахь гэр шиг санагдлаа” гэсэн юм.
Тоглолтын зав сарлагын үеэр балетийн жүжигчин, “Монроимпэкс”-ийн ерөнхий захирал Р.Туяацэцэгийн сэтгэгд лийг сонслоо.
-Гадаадын бүжигчид Монголд ирж байгаа нь анхных биш ч олон улсын хэмжээний наадам зохион байгуулж буй нь анхных. Эргэн сэргэж, хөгжих гэж байгаа Монголын балетийн урлагийн хөгжилд энэ наадам том түлхэц болох нь дамжиггүй. Өөр бүжигчин, тайз засал, үзэгчдийн өөрчл өлт гээд тэр чигээрээ шинэ. Өнөөдөр театрын уур амьсгал их сайхан байна. Тоглолт өндөр төвшинд болж байгаа нь зөвхөн гадаадын бүжигчдийн ур чадвартай холбоогүй. Би монгол бүжигч дээрээ их бахархаж байна. Сүүлийн хэдэн жил ийм сайхан тоглолт үзээгүй юм байна шүү.
-Гаднын бүжигчдээс хэнийх нь тоглолтыг онцлох вэ?
-Падетруа бүжиглэсэн залуу их чадварлаг бүжигчин юм. Хар шувуунд гоцолж байгаа залуу ч мөн адил. Түүнд манай театрын тайз багадсан байж магадгүй, нэг л дутуу гүйцэтгэлтэй харагдаад байсан. Гэхдээ Монголд ирээд хоёр гуравхан хонож байгаа хүмүүс шинэ бүрэлдэхүүн, тавилттай тоглолтод оролцоно гэдэг амаргүй. Ялангуяа бусад театрын тайз хойноосоо урагш налуу байдаг бол манай театрынх тэгшхэн. Тэгэхээр богино хугацаанд энэ бүхэнд зохицох амаргүй хэмээн ярив.
Үзэгчид тоглолтын дараа сэтгэл хангалуун байв. П.И.Чайковскийн “Хунт нуур” бүжгэн жүжгийн тансаг аял гууг амандаа аялсхийн теат рыг орхив. Мэргэжлийн бүжигч дийн олонх нь энэ удаагийн тоглолтод дүгнэлт хийхийг хүсээгүй. Учир нь ирэх баасан, бямба гаригт шилдэг бүжигчид жинхэнэ ур чадвараа харуулах юм.
