Үндэсний соёл амралтын хүрээлэн энэ долоо хоногийн амралтын
өдрүүдээр зарим тоглоомоо ашиглалтад 
оруулахаар төлөвлөжээ.
Эхний ээлжинд хаалгаа нээж байгаа “Ур чадвар”, ”Автомат тоглоом”-ын төв
нь нийт 60 гаруй хөгжөөнт тоглоомтой бөгөөд бүх насныханд зориулагдсан
аж.
Өвлийн турш ажилласан 150 хүний багтаамжтай “Xtra ice” мөсөн гулгуурын талбай, 1500 хүн нэг дор гулгаж болох “Нуурын мөсөн талбай” хоёр өдөр бүр 12.00- 21.00 цаг хүртэл зочдодоо үйлчилдэг хэвээрээ гэнэ. Өндөр өртөгтэй хэмээн шүүмжлэлд өртсөн парк үнэ тарифтаа өөрчлөлт оруулж, багцын тариф тогтоожээ.
Тавдугаар сарын 1-нд албан ёсоор нээлтээ хийж, бүх тоглоомоороо үйлчлэх аж. Түүнчлэн наймдугаар сарын 1-нд дэлхийн жишигт нийцсэн “Roller Coaster” буюу том галзуу хулганыг олонд танилцуулахаар товложээ.
