Эрүүл мэнддээ анхаардаг, чөлөөт цагаа зөв өнгөрөөх хүсэлтэй хүмүүст зориулж энэ жил Улаанбаатар хотод усан сан долоог барихаар болсон. 14 хоног тутамд хуралддаг нийс лэлийн удирдах ажилтны шуурхай зөвлөлгөөний үеэр энэ талаар сөхлөө. Намар гэхэд хотын төвийн зургаан дүүрэгт эдгээр усан санг ашиглалтад оруулсан байх ёстой.
Хөрөнгө мөнгө нь саатахгүй бол барилгыг нь бариад усан санг товлосон хугацаанд хүлээлгэж өгнө. Харин ашиглалтад орсон хойно нь түү нийг ажиллуулах мэргэжлийн хүн байна уу гэдэг асуудал гарч иржээ. Энэ та лаар Нийслэлийн биеийн тамир спортын газрын дарга Ж.Ганболд “Манай улсад усан спортын мэргэжил эзэмшсэн 46 мэргэжилтэн бий.
Эдний 20-иод нь Улаанбаатар хотод ажиллаж, амьдарч байна. Нэг усан санд доод тал нь гурван мэргэжилтэн хэрэгтэй. Ингээд тооцоход мэргэжилтэн дутагдана” гэж танилцуулав. Усан спортоор эрчимтэй хичээллэдэг 40-өөд за луугаас сонгож дасгалжуулагч болгохоор тэрбээр төлөвлөж байгаа аж. Ирэх гуравдугаар сарын 1-нээс усан спортын дасгал жуулагч бэлтгэх сургалт эхэлнэ. Сонирхсон хэн ч уг сургалтад хамраг дан, төгсөөд шалгуулах боломжтой аж.
