Сангийн яам, Үндэсний статистикийн хороо, “Мизорн” компани хамтран хэрэгжүүлсэн төслийнхөө үр дүнг өчигдөр Төрийн ордонд сэтгүүлчдэд танилцууллаа. Статистикийн бүх мэдээллийг цаг алдалгүйгээр IPad төхөөрөмжөөрөө дамжуулан хүлээж авах “EZ stat” программыг “Мизорн” компанийн залуус зохион бүтээсэн байна.
Тэд IPad-ын Монголын анхны программыг бүтээжээ. Сангийн яам захиалж, ҮСХ мэдээллээр хангах үүрэг хүлээсэн байна. Сангийн сайд С.Баярцогт “Санхүү, эдийн засгийн бүхий л мэдээллийг IPAD-аараа хүлээн авах боломжтой боллоо. АНУ, ОХУ-ын эдийн засгийн тооцоо, хэрэглээний индекс зэрэг бүх тоо баримтыг муж тус бүрээр IPAD-аар хүлээн авах программтай.
Техникийн энэ дэвшилд монголчууд хөл нийлүүлж байна” гэлээ. Уг программыг өнөөдрөөс Apple store-д байрлуулах аж. Мөн үнэгүй татаж авах боломжийг олгожээ.
IPAD-ыг үйлдвэрлэсэн IPAD-д зориулсан 300 мянга гаруй программ байдаг аж. “EZ stat” программыг Ipad-даа татсанаар монгол хэл дээр мэдээллээ цаг алдалгүй авна.
Уг программыг Энэтхэгт сургууль төгссөн Б.Эрдэм гэдэг залуу зохиожээ. Бие даан бүтээсэн анхны программ нь энэ юм байна.
