Ингэснээр Бельгийн баг дараагийн шатанд АНУ-ын багтай тоглох болж байна. Харин Солонгосын баг сүүлийн 4 ДАШТ-д 2 дахь удаагаа хэсгээс шалгарч чадсангүй.
ОНЦЛОХ МӨЧ
Стефен Дефурын улаан хуудас. Тоглолтын 43 дахь минутанд Дефур тун хариуцлагагүй үйлдлийг талбай дээр гаргаж, бүдүүлэг алдааг эсрэг багийн тоглогч дээр хийснийг шүүгч өршөөсөнгүй, шууд улаан хуудсаар торгосон. ДАШТ-д анхныхаа тоглолтонд гараанд гарсан тэрээр энэ үйлдлээрээ багаа маш хүнд байдалд оруулж, Солонгосын багт том давуу талыг авчирсан билээ.
ОНЦЛОХ ТОГЛОГЧ
Ян Вертонген. Тоттенхэмийн ахлагч Вертонген энэ өдөр зүүн жигүүрт талбайд гарсан бөгөөд үүргээ ч гялалзтал биелүүлсэн. Хамгаалалтанд төгс тоглохын зэрэгцээ довтолгоог маш дэмжин урамтай тоглож байв. Тэрээр Д.Оригигийн цохилтыг хаалгач хаасныг нэмж энэ тоглолтын цорын ганц гоолыг оруулсан бөгөөд хаалга руу 4 цохилтыг гүйцэтгэж энэ өдрийн шилдэг тоглогч болжээ.
ОНЦЛОХ СТАТИСТИК
Бельгийн багийн ДАШТ-д оруулсан сүүлийн 6 гоол бүгд сүүлийн 20 минутанд оржээ.
