Манчестер Юнайтед хоёр өдрийн дотор хоёр дахь наймаагаа хийлээ. Энэ удаа тэд Английн шигшээ багийн зүүн жигүүрийн хамгаалагч Люк Шоуг эгнээндээ нэгтгэсэн байна.

Шоу Коста Рикагийн эсрэг талбайд гарснаар Английн түүхэнд хамгийн залуудаа ДАШТ-д дебутээ хийсэн тоглогч болсон юм.

Улаан чөтгөрүүд түүнийг 31.5 сая фунтээр өөрсдийн болгож нэмж сунгах заалттайгаар 4 жилийн гэрээ байгуулсан байна.

Юнайтед пүрэв гаригт Атлетик Бильбоа-гаас хагас хамгаалагч Андер Эррераг өөрсдийн болгоод байсан. Харин Люк Шоу Луй Ван Гаалийн эрин үеийн 2 дахь шинэ тоглогч болж байна.

Нидерландыг ДАШТ-д удирдаж байгаа ван Гааль тэмцээний дараа Манчестерт ирэх болно.

Ирэх сард 19 нас хүрэх Люкийн хувьд альхэдийнэ Премьер лигт 60 тоглолт хийчихсэн. Тэрээр Саутхэмптоны академиар хүмүүжин гарч ирсэн бөгөөд 2011 онд 16 настайдаа үндсэн багийн дебутээ хийсэн юм.