Гадаад ажилчдын эрх ашгийг хамгаалах

 зөвлөл байгууллагдана.

Ажил хайх хугацаа 2сар→ 3сар болж сунгагдлаа.

Сөүл сонин. 2009-10-24

Дотоодын ажил олгогч болон гадаад ажилчдын хоорондын зөрчилдөөнийг шийдвэрлэх үүргийг гүйцэтгэх “Гадаад ажилчдын эрх ашгийг хамгаалах зөвлөл” байгууллагдана. Гадаад ажилчид нь ажил олгогчидтой харьцуулахад хүчин мөхөс гэдгийг харгалзан маргааныг зөв шударга, зүй зохистой шийдвэрлэхийн тулд Солонгос улсын засгийн газраас явуулж буй эхний алхам юм.

Хөдөлмөрийн яам нь 10сарын 23-ны өдөр дээрхтэй ижил агуулгыг тусгасан “Гадаадын ажилчдыг хөлслөн ажиллуулах хууль”-ийн холбогдох заалтын шинэчлэн найруулсан хуулийг олон нийтэд танилцууллаа.

Засгийн газар нь “Гадаад ажилчдын эрх ашгийг хамгаалах зөвлөл”-ийг гадаад ажилчдын хамгийн их үйлчлүүлдэг байгууллага болох Хөдөлмөрийн Бирж(гуюун живон сэнто) дээр байгууллахаар төлөвлөж буй юм байна. Холбогдох хуулийн заалтыг хянан батлаад ирэх 2010оны эхээр Сөүл хотын Гүру, Кёнгги аймгийн Ансан хот зэрэг гадаад иргэд олноороо төвлөрөн суурьшсан хотуудад байгууллахаар төлөвлөж байгаа гэнэ.

Тус зөвлөл нь ихэвчлэн гадаад ажилчдын ажлын байрнаас оргон зугтахтай холбогдолтой маргааныг шийдвэрлэнэ хэмээн тооцоолж байгаа юм байна. Зарим нэг компаниуд нь хүний эрх зөрчихтэй холбогдсон заалтын сул талыг буруугаар ашиглан хөдөлмөрийн гэрээ цуцлах зэрэг шалтгаанаар гадаад ажилчидтай шударга бус харьцах нь олон байдаг.

Хөдөлмөрийн яамны холбогдох ажилтан “Гадаад ажилчдын эрх ашгийг хамгаалах зөвлөл байгууллагдсанаар гадаад ажилчид болон ажил олгогчийн хоорондох зөрчилдөөнийг зүй зохистой, ончтой шийдвэрлэхэд ихээхэн хувь нэмэр оруулна гэдэг найдаж байна” хэмээн ярьсан байна. Нөгөөтэйгүүр уг хуулинд гадаад ажилчин нь ажлаас гарсны дараа ажил хайх хугацаа нь 2сар байсныг 3сар болгож сунгасан байна.

Сурвалжилсан И Гён Жү kdlrudwn@seoul.co.kr