Цас орсон үдэш гадагшаа гараарай амраг минь
Цамцнийхаа захийг босгоод яаралгүйхэн алхаарай
Хир толбо ч үгүй хээ хуар ч үгүй
Хивнэг цагаан гудамжаар алхаарай
Дэлхийн энэ л эгэлхэн гоёлийг
Дэлгэсэн сэтгэлтэй минь адилтгаж бодоорой
Бороо шивэрсэн үдэш цонхоороо хараарай амраг минь
Болжмор хорогдсон модний мөчир дор суугаад л
Бодолд дарагдан байгаа бүсгүйн зүг ажаарай
Асгарах борооний тансагхан үнэрийг
Амрагийн сэтгэлтэй минь адилтгаж бодоорой
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар