ТЭРНЭЭС МИНЬ ИЛҮҮ ЭР ХҮН БАЙДАГГҮЙ ГЭЖ, САЙНААС САЙНТАЙ НЬ Л
СУУСАН ГЭЖ СҮСЭГЛЭДЭГ БАЙЖ ДЭЭ, ДЭНДҮҮ САЙН ТҮҮНИЙГЭЭ ДАРСАНД
ОРЖ ДАМПУУРНА ГЭЖ ДАРАА НЬ БАС ЯНХАНТАЙ САМУУРНА ГЭЖ
ХОЖИМ ХОЁУЛ САЛНАА ГЭЭД ХҮҮХЭД ХӨГШДИЙГ ЗОВООНО ГЭЖ
ЗАЛУУ НАСАА ХӨРГӨНӨ ГЭЖ ДААНЧ НЭГ ТӨСӨӨЛСӨНГҮЙ ДЭЭ
ДААМАЙ ЖААХАН Ч ЗӨГНӨСӨНГҮЙ ЭЭ, ХҮНЭЭС, ДУТАХГҮЙ  АМЬДАРЪЯ
ХӨРӨНГӨ МӨНГӨ ОЛЧИХОЁ ГЭЭД ЗҮТГЭТЭЛ НАМАЙГ ОЙЛГООГҮЙ
МИНИЙ ХАНЬ УУРЛАЖ УЦААРЛААД, ХАРДАЖ СЭРДЭЭД, ХАРААЖ ЗҮХЭЭД
ГУНИЖ ТУНИАД,ЗОДОЖ ЦОХИОД, ЗҮРХИЙГ МИНЬ ШАРХЛУУЛЖ
ЗӨРҮҮДИЙГ МИНЬ ХӨДӨЛГӨӨД, ААВТАЙ ХҮҮГ МИНЬ ӨНЧИН БОЛГООД
НӨХӨРТӨЙ НАМАЙГ ӨРХ ТОЛГОЙЛУУЛЖ, ИНЭЭВЧ НҮДЭНДЭЭ ГУНИГТАЙ
ИДЭВЧ СЭТГЭЛД ӨЛӨНТӨЙ, ГЭР БАЙВЧ ХҮН ДУТУУ, НЭР БАЙВЧ ҮСЭГ ТАТУУ
ЭРИЙН НӨМӨР СЭРҮҮ ТАТУУЛЖ, ГЭРИЙН ХОЙМОР СЭЛҮҮ БОЛГОЖ
ТУЛСАН БҮХНЭЭ ТҮЛХЭЖ ОРХИСОН, ТУУЛСАН БОЛГОНОО САМАРЧ  СҮЙТГЭСЭЭН
 НАДААС ИЛҮҮТЭЙ НЬ ТААРВАЛ, НАМАЙГ ӨДИЙД МАРТАА БИЗ
НАДААС ДУТУУТАЙ НЬ ТОХИОВОЛ, МАГАД  ХЭДИЙД Ч ҮЛ МАРТАХ БУЙ БИЗ ДЭЭ
МИНИЙ АМЬДРАЛЫН АНХНЫ БҮХНИЙГ ӨГСӨН, БАС АВСАН
АЛДАА ОНООТОЙ Ч МИНИЙ Л ОН ЖИЛҮҮД
МИНИЙ ЗАЛХААГҮЙ БАС ЭВДРЭЭГҮЙ
ЗАЛУУ НАСНЫ МИНЬ ОН ЖИЛ, САР ӨДРҮҮДЭЭ