Монголыг зорьсон орос хүүхдүүд алга болжээ ОХУ-ын Хакасийн Саяноград хотын Цагдаагийн газраас Дима Онищенко, Андрей Шулепов гэсэн 15 настай дунд сургуулийн сурагчдыг эрэн хайж байна. Сурагчид Тувагаар дамжин Монголд очих зорилготой байсан нь мөрдөн байцаалтын үр дүнд тодорхой болжээ. Тэд 17-ны өглөө 07.30 цагт гэрээсээ гарч, сургуульдаа явахад ямар нэгэн сэжигтэй зүйл ажиглагдаагүй байна. Харин нутгийн анчин ойн захад тэдний цүнх, хувцсыг олсноор бүх нийтийн түгшүүр зарласан аж. Хүүхдүүдийн нэг нь цүнхэндээ ээждээ зурвас бичин үлдээсэн байжээ. Сураггүй алга бологчдын нэг ангийнхан нь Цагдаагийн газарт тэднийг Монгол явна, гэрээсээ аяллын хэрэгсэл авсан гэж ярьж байсан хэмээн мэдүүлсэн байна. Г.Төгөлдөр -