Энэ удаа бид та бүхэнд биеийн дархлаагаа сайжруулах талаарх хэд хэдэн аргыг танилцуулж байна. Та өвдсөн тохиолдолдоо олон сайхан үйл явдалд оролцож чадалгүй өнгөрөөдөг. Түүгээр ч барахгүй өдөр бүхэн гэртээ суун, эм уух нь нэг л таагүй зүйл. Үүний оронд найз нартайгаа үдэшлэг цэнгүүнд явах ч юм уу, эсвэл цай уун ярилцаж суух нь хавьгүй дээр байдаг шүү дээ. Ингээд сонирхолтой үйл явдлуудыг алгасахгүйн тулд  биеийнхээ дархлааг хэрхэн сайжруулах аргуудаас толилуулъя.

• Идэвхтэй амьдралыг сонго. Усан сан, гүйлт, фитнес, аэробик, йогоор хичээллэж удаан хугацаагаар цэвэр агаарт явах нь хамгийн үр дүнтэй арга юм. Биеийн тамир нь хүний биеийн дархлааг сайжруулаад зогсохгүй, биеийн галбир,  арьсны өнгийг сайжруулж, ядаргааг тайлан, сэтгэлийг сэргээдэг.
• Өөрийгөө орчноосоо тусгаарлаж сур. Ингэхэд танд йог тусална. Гэхдээ бас өөр нэг энгийн арга бий. Сургуулиасаа юм уу, ажлаасаа гэртээ ирээд орон дээрээ хэвтээд, гараа биеэ дагуулан тавьж нүдээ анин ямар нэгэн сайхан зүйл бодоорой.  Энэ үедээ нэг хэмээр гүнзгий амьсгаа ав. Хэдэн хором ингэж дасгал хийснээр таны бүх өдрийн алжаал ядаргаа бүр мөсөн тайлагдахыг та анзаарна.
• Саунд тогтмол ор. Биеийн алжаалыг тайлж, дархлааг сайжруулах хамгийн шилдэг арга бол халуун хүйтэн хэмийн сэлгээ байдаг.
• Өөдрөг сэтгэлтэй бай. Сэтгэл зүйчид нэг бус удаа гутранги үзэлтэй хүмүүс ойр ойрхон өвддөг болохыг баталжээ. Иймээс олон янзын гэмт хэрэг, болсон явдлын тухай нэвтрүүлэг үзэж, хэн нэгэн хамаатан садан, найз нөхдөдөө тохиолдсон зовлонгийн тухай бодож байснаас амьдралын баяр баясгаланг эдэлж, аз жаргалтай өөдрөг байж сур. Яагаад гэвэл, элдэв зүйлийг үзэж шаналж сууснаас, энэ нь асуудлыг шийдэхэд дөхөм байдаг.