Америкийн Юта мужийн Плесант-Гроув хотын цагдаагийнхан нэгэн сэтгэл эмзэглэм гэмт хэрэгтэй тулгарчээ. Тэд 1996-2006 оны хооронд хорвоод мэндэлсэн 7 хүүхдийн цогцсыг хайрцганд хийсэн байсныг олсон аж. 

Цагдаагийнхан уг байрны хуучин эзэгтэйг баривчилсан ба тэдгээр "золгүй" хүүхдүүдийг төрүүлсэн ээж нь 39 настай Меган Хантсмен болохыг тодруулсан байна.

Хантсмены нэгэн хамаатан түүний гарааж дотор юм хийж байгаад сэжиг бүхий хайрцагтай зүйл байхаар нь нээж хартал хүүхдийн цогцос байсан ба бусад хүүхдүүдийн цогцос байшингийн янз бүрийн хэсэгт байсан хэмээн цагдаагийнхан мэдээлжээ.

Д.Мигаа