Бичлэгийн тоо 3,329
Испани
улсын ACS компаний захирал Эмилио Асенсио нийтийн тээвэрт “Соронзон
галт тэрэг”-ийг ашиглах нь замын түгжрэл, орчны бохирдлыг бууруулах сайн
талтай талаар Нийслэлийн Засаг дарга бөгөөд Улаан баатар хотын захирагч
Э.Бат-Үүлтэй уулзах үеэрээ танилцуулсан юм.
Тэрбээр нийслэлийн нийтийн тээвэрт хамтран ажиллах хүсэлтэй байгаагаа уламжилсан бөгөөд “Улаанбаатар хотод метро байгуулах асуудал ярьж байгаа гэж сонссон. “Соронзон галт тэрэг” нь метро байгуулахаас 3-4 дахин хямд зардлаар, түргэн босно. Бидэнд Улаанбаатар хотод соронзон галт тэрэг ашиглах төсөл боловсруулах судалгаа хийхэд зориулж нийслэлийн нийтийн тээвэртэй танилцах боломж олгохыг хүсэж байна. Бид удахгүй маш сайн боловсруулсан төсөл өргөн барих болно” гэж хэллээ.
Нийслэлийн Засаг дарга Э.Бат-Үүл “Нийслэлийн нийтийн тээврийг хөгжүүлэх чиглэлээр судалгаа хийх үүргийг Зураг төслийн хүрээлэндээ өгсөн, судалгааны дүн гарсны дараа санал тавьсан талуудтай дахин уулзаж ярилцаж, сонголтоо хийнэ. Нийтийн тээврийн асуудал “Хотын ерөнхий төлөвлөгөө”-нд давхар төмөр зам, метро гэх мэт хэд хэдэн чиглэлээр тусгагдсан байгаа. Метрог дагаад газар доогуурх байгууламж босно гэж бодож байгаагаа илэрхийлээд цаашдаа Улаанбаатар хот найман төвтэй болон хөгжинө. Шинэ нисэх буудал барина. Тэднийг бүгдийг нийтийн тээврээр хангах хэрэгтэй. Иймээс энэ чиглэлээр хамтран ажиллах са нал олон ирж байгаа. Та бүхнийг үнэтэй санал хэлсэнд баярлалаа. Нийслэлийн нийтийн тээвэртэй танилцах боломжийг бид хангаж өгнө” гэв.
