Талын малчдын ахуй амьдралаас эхлээд төр засгийн түүхэн үйл явдлыг гэрэл зургийн хальснаа буулгаж, 1930-1960-аад оны үеийн Монголын амьдралыг харуулсан “Хоёр зуун дамнасан Монгол амьдрал” гэрэл зургийн үзэсгэлэн өчигдөр Уран зургийн галерейд нээгдлээ. Үзэсгэлэнд ОХУ-ын кино, гэрэл зураг баримтын улсын архивт хадгалагдаж байсан 50 гаруй гэрэл зургийг дэлгэжээ. “Монгол уламжлал академи”, “ОХУ-ын кино, гэрэл зураг баримтын улсын архив”, “Буриадын Итгэл хамбын хүрээлэн”, “Соёл урлаг хөгжүүлэх сан” хамтран зохион байгуулж буй эл үзэсгэлэн ирэх оны нэгдүгээр сарын 12-ныг хүртэл үргэлжилнэ.