Бичлэгийн тоо 3,329
Монголын
оюутны холбоо энэ сарын 5-нд Төрийн ордонд Оюутны чуулга уулзалт зохион
байгууллаа. Монгол Улсын Ерөнхий сайд С.Батболд энэхүү чуулга уулзалтад
оролцох үеэрээ Монгол Улсын хөгжил дэвшлийн олон боломж нөхцөлүүдийг
ажил хэрэг болгох зүйл нь өрсөлдөх чадвартай Монгол толгой өөрөө юм
гэдгийг онцлоод, оюутнуудын өмнө тулгарч байгаа нийгмийн олон асуудлыг
Засгийн газар шийдэж байгааг дурдлаа. Түүнчлэн төрийн оролцооны зарим
чиг үүргийг Монголын оюутны холбоонд шилжүүлэх боломжтойг тэмдэглэснээс
гадна тэдний байрны асуудлыг шийдэхээр болсон нь оюутнууддаа барьсан
бэлэг байв.
Мөн энэ үеэр Ерөнхий сайд С.Батболд 2011-2012 оны хичээлийн жилд сурлага, урлаг, спортоор үеийнхнээ манлайлсан 46 оюутанд өөрийн нэрэмжит тэтгэлгээ гардуулсан. Улсын болон хувийн их, сургуулийн хот, хөдөөгийн салбарын оюутнууд тус бүр 800 мянган төгрөг гардан авлаа. 1000 оюутныг хамарсан тус чуулга уулзалт “Манлайлал-Оролцоох өгжил” сэдвээр Монгол Улсын Ерөнхий сайдын ивээл дор зохион байгуулагдсан юм.
Дөрвөн үндсэн сэдвээр салбар хуралдаанаа хийж, гарсан санал санаачилгыг нэгтгэн Монголын нийт оюутан суралцагчдад илгээлт болгон танилцуулах аж.
