Бичлэгийн тоо 3,329
Номхон далайн орнуудын зуслангуудын бүлгийн удирдагчид Монголд чуулна
Уншсан 10342 vote 0 2012.05.03 15:05:49Монгол
Улсын Шадар сайдын санаачлагаар Олон улсын хүүхдийн “Найрамдал” төв,
Ази номхон далайн орнуудын зуслангуудын холбоотой хамтран тавдугаар
сарын 6-11-ний өдрүүдэд “Шинэ цагийн бүлгийн удирдагч” ази, номхон
далайн орнуудын бүлгийн удирдагчдын сургалтыг зохион байгуулах гэж
байна. Техник технологи өндөр хөгжсөн өнөө цагийн хүүхдүүдийн хэрэглээ,
ухамсар, сэтгэхүй ихээхэн өөрчлөгдөж байгаа энэ үед шинэ цагийн
хүүхдүүдтэй ажиллахад арга барилаа өөрчлөх шаардлага тулгараад байгаа
юм. Тиймээс өнөө цагийн зуслангуудын бүлгийн удирдагч, багш нарыг
чадваржуулах, дэлхийн зуслангуудын хөгжлийн чиг хандлагатай хөл
нийлүүлэх, зохион байгуулж буй хөтөлбөр, үйл ажиллагааны арга зүйг
сайжруулах, хамтын ажиллагааг өргөжүүлэх, харилцан туршлага судлахаар
энэхүү сургалтыг зохион байгуулж байгаа аж. Сургалтад ОХУ, Хонгконг,
Вьетнам, Австрали, БНХАУ зэрэг орноос төлөөлөгч ирэхээ мэдэгдээд бйагаа
бөгөөд үндэсний зуслангуудын төлөөлөл болсон 25 гаруй бүлгийн удирдагч,
мөн хүүхдийн болон нийгмийн байгууллагуудад ажилладаг сайн дурын
ажилтнууд хамрагдах юм. Сургалтыг Канадын Tavingo зуслангийн захирал,
ОУЗХ-ы ерөнхий нарийн бичгийн дарга Ж.Жорги, Австралийн ЗХ-ы сургалтын
багийн ахлагч, Ази Номхон далайн орнуудын ЗХ-ны нарийн бичгийн дарга
П.Дэвид нар удирдан явуулах юм. Энэхүү сургалт нь олон улсын
зуслангуудын холбооны 25 жилийн ой, Найрамдал төвийн 35 жилийн ойн арга
хэмжээг угтсан жил болж буйгаараа онцлогтой.
