Хэдхэн хоногийн өмнө боксын эмэгтэйчүүдийн Азийн АШТ-ийг хүлээн авсан манай улс өдгөө волейболч охидынхоо уран тоглолтыг тольдох завшаан тохиож байна. Азийн оюутны аварга шалгаруулах эмэгтэй волейболын хоёрдугаар тэмцээний нээлт өчигдөр ДБЭТ-т болсон юм. Энэ удаагийн тэмцээнд Кыргызстан, Тайланд, Малайз, Хонконг, Монгол гэ сэн таван орны оюутан волейболчид өрсөлдөхөөр цуглажээ. Багууд бүгд тойргоор тоглож, эхний хоёр байрт шалгарсан нь аваргын, гурав, дөрөвт орсон нь хүрэл медалийн төлөө өрсөлдөх билээ.

Өнөөдөр КыргызстанТайланд, Малайз-Хонконг гэсэн тоглолтууд болно. Харин маргааш манай охид тэмцээний эхний тоглолтоо Тайландын эсрэг хийх юм. Анхдугаар тэмцээн 2009 онд Тайландад болоход талбайн эзэд итгэлтэй түрүүлсэн. Тиймээс энэ тоглолт манай охидын хувьд томхон сорил болох нь дамжиггүй. Хуваарь ёсоор өдөр бүр хоёр тоглолт 15.00, 18.00 цагаас болно.