Бичлэгийн тоо 3,329
“976 ART GALLERY” Монголын дүрслэх урлагийн бүтээлийг дэлхийд таниулна
Уншсан 9231 vote 0 2012.04.09 17:15:47Дүрслэх урлагийн сор болсон бүтээлийг олон нийтэд танилцуулж, сурталчлах үзэсгэлэнгийн танхим нэгээр нэмэгдэж, “Max Mall”-ын тавдугаар давхарт “976 аrt gallery” энэ сарын 5-нд үүдээ нээлээ. Дүрслэх урлагийн шилдэг бүтээлийг урлаг сонирхогчдод толилуулах, олон нийтийн урлагийн боловсролыг дээшлүүлэх олон төрлийн арга хэмжээ зохион байгуулахаар төлөвлөж буй уг галерейн хамт олон нээлтэдээ зориулж төрийн шагналт, зураач Ц.Цэгмид, С.Саранцацрал, Ш.Чимэддорж, ур лагийн гавьяат зүтгэлтэн Ц.Мөнхжин, МУЭ-ийн шагналт зураач Л.Бумандорж, Ц.Нарангэрэл, Д.Ганболд, А.Чадраабал нарын Монголын сор болсон 30 гаруй уран бүтээлчийн шилдэг бүтээлийг дэлгэсэн үзэсгэлэнг олон нийтэд толилуулж байна. ICR ХХК-ийн захирал Б.Гантуяа “Олон улсын түвшинд өрсөлдөх хэм жээний авьяас, чадвартай олон уран бүтээлч Монголд байдаг ч тэдний бүтээлийг нийтэд танилцуулах уран зургийн галерей цөөн, мөн гадаадад болдог үзэсгэлэнд Монгол зураачдын бүтээлийг оролцуулах, тэдний бүтээлийг олон улсад зуучлан бор луулах үйл ажиллагааг тууштай явуулж буй хувь хүн, албан бай гуул лага хангалттай байдаггүй. Үүнээс үүдэн ICR ХХК Монголын уран бүтээлчдийг эх орондоо болон олон улсын хэмжээнд таниулах, тэдний үйл ажиллагааг дэмжих, туурвисан бүтээлийг нь дотоод, гадаадад танилцуулах, зуучлан борлуулах үйл ажиллагаа явуулах зорилгоор энэхүү галлерейг нээж байна. Бид Монголын урлагийн байгууллагууд, Эл чин сайдын яамд, олон улсын байгууллагууд, гадаад, дотоодын компаниудтай нягт хамт ран ажиллахаас гадна олон улсын уран зургийн нийгэмлэг, галерей, зураг цуглуулагчдын холбоодтой холбоо тогтооно” гэв. Галерейн нээлтийн үеэр зураач Р.Дүйнхоржавын хоёр бүтээлийг дуудлагаар худалдаж, эртний эдлэл цуглуулагч А.Алтангэрэл, бизнесмен н.Нармандах нар үнэ хаялцан худалдаж авлаа.
