Инновацийн
тогтолцоо бий болгох, мэдлэгийг үйлдвэрлэлд ашиглах зорилгоор МУИС
дэргэдээ “Технологи дамжуулах төв” байгуулснаа өчигдөр нээлээ. Нээлтэд
БСШУЯ, ШУА, Үндэсний хөгжил шинэтгэлийн хороо, ШУТИС, ХААИС, ЭМШУИС-ийн
төлөөлөгчид орол цож, хамтран ажиллахаа илэрхийлэв. Их сургуулийн зарим
судлаачийн судалгааны үр дүнгээр биологийн салбарт хүнсний нэмэлт
тэжээл, гоо сайхны бүтээгдэхүүн үйлдвэрлэх эхний гэрээ хэлцлийг БНСУ-ын
KAIST буюу Гуаньжу их сургуулийн технологийн төвтэй хийх болсон тухайгаа
МУИС-ийн эрдэм шинжилгээ эрхэлсэн захирал, доктор Ч.Ганзориг энэ үеэр
мэдэгдсэн юм. МУИС-ийг 2020 он хүртэл хөгжүүлэх мастер төлөвлөгөөний хүрээнд үүдийг нь нээсэн энэхүү төв эрдэмтэн судлаачдын мэдлэгийг баялаг болгон хувиргах ажлыг чиглүүлэн зохион байгуулж, улмаар Монгол оронд мэдлэгт суурилсан эдийн засаг хөгжүүлэхэд чухал түлхэц үзүүлнэ гэдэгт албаны хүмүүс санал нэг байв. “Технологи дамжуулах төв” нь эрдэмтдийн судалгааны үр дүнг шинэ технологи, шинэ бүтээгдэхүүн болгон хувиргаж зах зээлд нэвтрүүлэхээс гадна тэдний оюуны өмчийг хуулиар баталгаажуулж, нууцлалыг чанд хадгалах юм.
Эрдэмтэн судлаач гэлгүй оюутнуудыг ч үйл ажиллагаандаа татан оролцуулж, ирээдүйн шинэ бүтээл, оновчтой загварын эздийг тодруулах давхар зорилготой. Энэ бүхний үр дүнд багш, судлаачид амьдралд ойрхон, зах зээлд нийцсэн судалгаа хийдэг болохоос гадна их сургуулийг хувийн хэвшлийнхэнтэй бүтээлчээр хамтран ажилладаг болоход тусална. Манай улсын их, дээд сургуулиудаас ийм төвтэй болж буй анхны сургууль нь МУИС.
Энэ талаар “Технологи дамжуулах төв”-ийн мэргэжилтэн Д.Батхуягтай ярилцлаа.
-Төвийг яагаад байгуулах болов?
-Төрийн бодлогод нийцүүлсэн. 2020 он хүртэл технологийг хөгж үү лэх мастер төлөвлөгөөг 2007 онд баталсан. 2010 онд өндөр технологийн аж үйлдвэрийн талаар баримтлах бодлого, өмнө нь инно вацийг хөгжүүлэх хөтөлбөр гарсан. Ин новацийг дэмжих тухай хуулийг Зас гийн газраас дэмжин, УИХ-ын нам рын чуулганаар хэлэлцэх гэж байна. МУИС-ийн багш судлаачид оюу ны өмчөө зах зээлд гаргах ямар ч ме ханизм байхгүй байгаа нь уг төвийг нээх хамгийн том шалтгаан. Гадаадын тэргүүлэх их сур гуулиуд заавал технологи дамжуулах бүтэцтэй байдаг.
-Эдийн засгийн ямар бодит үр өгөөж авчрах вэ?
-Асар олон. МУИС-ийн техноло гийг зах зээлд арилжсанаар түүнээс олох орлого нь сургууль, багш, оюутнуудын орлогын шинэ эх үүсвэр болно. Судлаачдын гаргасан шинэ бүтээл, оновчтой санаа зах зээлийн эргэлтэд орно.
-Үр өгөөжөө хэдийд өгч эхлэх бол?
-Жилийн
дараанаас. Одоо бол хүмүүс МУИС-ийн асуудал мэт хүлээж авч болох юм.
Гэсэн ч улс үндэсний хөгжлийг тодорхойлогч томоохон салбарын эхлэл
тавигдаж байгаа юм шүү. Бусад сургууль ч манайхаас үлгэр авч, ийм төвтэй
болох байх. Хэтийн зорилго маань их сургуулиудын технологи дамжуулах
төвүүд хоорондоо сүлжээ болон нэг нэгнийхээ ажилд дэмжлэг үзүүлж, ашиг
тусаа улсынхаа хөгжилд оруулах явдал юм.
О.НАМЧИН
