Их,
бага эмч, сувилахуйн чиглэлээр хөдөө орон нутгаас ирж суралцаж байгаа
37 оюутанд өчигдөр Азийн хөгжлийн банкны дэмжлэгээр хэрэгжиж буй “Эрүүл
мэндийн салбарын хөгжил-3” төслөөс оюутны сүүлийн хоёр жилийн сургалтын
төлбөр, орон нутгаас ирэх, очих замын зардал, сар бүр олгох 50000
төгрөгийн батламжийг тус төслийн зохицуулагч Ж.Алтантуяа гардууллаа.
Төслийн хүрээнд оюутнууд гурван жил орон нутагтаа ажиллах үүрэг хүлээнэ.
Төсөл
Архангай, ГовьАлтай, Дорноговь, Төв, Сүхбаатар аймаг болон нийслэлийн
Чингэлтэй, Сонгинохайрхан дүүрэгт голлон хэрэгждэг. Тиймээс дээрх орон
нутгийн оюутнуудын дунд тэтгэлэгт хөтөлб өрийг зарлаж, шилдэг 37 оюутныг
сонгон шалгаруулжээ. “Цаашид 60 хүртэлх тооны оюутныг тэтгэлэгт
хамруулна. Шалгарсан оюутнууд улирлын дүнгээ бидэнд явуулах ёстой.
Тэтгэлгийг үргэлжлүүлэн олгох эсэхийг оюутны сурлагын амжилтыг харгалзан
шийднэ” гэж төслийн удирдлагч оюутнуудад анхааруулаад, амжилттай
суралцахыг хүсэв.
Э.Оргил
