-Яруу найрагчийн ааш араншинг тэвчихийн тулд гэргийд нь тэсвэрлэх цаг бишгүй гардаг байх даа?

-“Бүсгүй хүн нэг их авъяастай хүнтэй сууснаас жирийн ажилсаг хүнтэй амьдарсан нь дээр” гэсэн. Би бол өөрийгөө авъяастай гэдэгт эргэлздэггүй. Тэр хэмжээгээр надаас хүн тэсэхийн аргагүй араншин гардаг байх. Заримдаа алингаа алдтал согтох үе надад байсан. Агсам согтуу тавиад, зодоон цохион хийж хүүхдүүдээ айлгаж цочоохгүй мөртлөө уйлаад л дуулаад л, сонин сонин авир гаргадаг л байсан шүү. Одоо нас ахиад ханиа яаж зовоохгүй явах вэ гэж л боддог болсон байна лээ.

-Гүрбазарыг сонирхдог, дурлачихсан охид хүүхнүүд олон гэх юм билээ?

-Нуугаад яахав, уулзъя учиръя гэдэг л юм. Бүх насаараа таныг мөрөөдөн хайрлалаа гэсэн захиа ч ирж байсан.

-Та яадаг вэ?

-Унтдаг уу, уулздаг уу гэж байна уу. Үгүй. Ухаанаараа л шийдэх хэрэг гардаг юм даа. Би ирсэн захиаг авгайгаасаа нуудаггүй байсан. Одоо ч надад юу гэж тэгж их захиа ирэхэв дээ. Эрийг нас дарна гэдэг болж байна шүү дээ.

-Таныг нууц хүүтэйөмнө нь гэрлэж байсан гэсэн яриа гадуур явдаг?

-Би нуугаагүй шүү дээ. Амьдралд юу ч тохиолдож болно. Хэнтэй ч нөхцөж болно. Бүр дайсантайгаа ч амьдарч мэднэ. Гэхдээ амьдрал гэдэг чинь учраа ололцохын төлөө л байдаг юм шиг.

-Мэдсээр байж хүлцэнэ гэсэн үг үү?

-Хүн чинь бие биенээ уучилж л амьдардаг. Амьдралыг хайрлая, бэхжүүлье гэвэл уучилж чаддаг байх хэрэгтэй. Нөхөр чинь эсвэл эхнэр чинь алдаж болно. Эрээгээ алдчихаагүй л бол уучил. Сексийн харьцаанаас эхлээд хүмүүнлэгийн харьцааг ч гэсэн уучлах хэрэгтэй.

-Та хоёрыг дунд сургуулийн сурагч байхдаа нэг гэрт орсон гэж ярьдаг? Үнэн үү? Тэр үед цаг хатуу байсан яаж хэрэгт орчихоогүй юм?

-Юу үнэн бэ, тэр л үнэн. Хаа очиж манай сургуулийн багш нар биднийг гоочлоогүй. Дээр үед чинь хэцүүхэн л цаг байсан ш дээ. Заримдаа эхнэрээ үнэрлэхэд сурагч охин байсан үе нь нүдэнд харагдах шиг болдог. Би боддог юм. Эмэгтэй хүнийг дөчин нас гараад ирэхэд нь хайрлахаа боливол хамгийн өөдгүй зүйл. Харин улам хайрлаж чадвал тэр хүн ёстой эр хүн. “Одоо чи ч гундаж хөгширчээ. Тэр бүсгүй чиний дэргэд мисс юмаа” гэж хэрхэвч болохгүй.

-Гэр бүл салаад буйн шалтгаан нь юу гэж та боддог вэ?

-Таарахгүй бол тав хоног ч хамт амьдрахгүй ш дээ. Ерөөсөө гэр бүлийн амьдрал ухаан, секс хоёр дээр л тогтдог. Ханийгаа хайрлахад ч, хуурахад ч ухаан хэрэгтэй. Гэхдээ би авгайгаа араар нь тавьж мэхлээд л яваад байдаг хүн биш шүү. Монголчууд цөөхөн. Олдсон ижил ханиа хайрлах хэрэгтэй.

-Туг барьж явахад ч, тугал хариулж байхад ч таныг орхиогүй ганц хүн бол таны гэргий биз дээ?

-Нэг үе би АИХ-ын депутатаар сонгогдож Монголын анхны ардчилсан Үндсэн хууль батлалцаж явлаа. Надад зутарч явсан цаг бий. Ээжийгээ алдах үед би ажилгүй, мөнгөгүй байлаа. Тэгээд “25-р суваг” телевизийн Парик Жагаа, Алтай эд нар руу “Дөчин мянган төгрөг өгөөч, ээж минь өнгөрчихлөө” гэхэд надад тусалсан. Тэгэхэд би ердөө гурван дуутай явсан хүн. Нэг удаа дуучин Дашдондог, аранжировщик Халиун бид гурав жаахан халамцуухан таарахад “Дууны шүлэг өгөөч” гэсэн. Зутруухан явахад минь намайг гуйх хүн байгаагүй