Хүн бүр хийж буй ажилдаа амжилт гаргахыг хүсдэг. Гэвч төдийлөн санаснаар болохгүй, хөдөлмөрлөснийхөө үр шимийг нэг л хүртэхгүй байвал та арга барилаа өөрчилж, ухаалаг ажиллах хэрэгтэй. Менежментийн тэргүүлэх мэргэжилтэн Петер Дракер “Үр ашиг гэдэг бол зөв зүйлийг хийх явдал юм” хэмээн хэлсэн байдаг. Иймээс та ямар ч ажил хийдэг бай илүү ухаалаг амжилттай ажиллах дараах аргууд байгааг зөвлөе.
1. Өөрийн цагийг хамгийн сайнаар ашиглах хуваарийг бий болго. Даалгавар, хурал, уулзалтуудыг ар араас нь төлөвлө. Ингэснээр та өдөрт олон удаа оффисоос гарахгүй. Цайны цагаа энэ цаг хугацаатай нэгтгэснээр өдөрт төсөл бүр дээр хэр их цаг зарцуулж байгаагаа төлөвлө.
2. Өдөр тутмын, долоо хоног тутмын болон сар тутмынхаа хийх ажлын жагсаалт гарга. Сар тутамдаа хийх хэрэгтэй байгаа хамгийн чухал зүйлсээ тодруулж, тэдгээр ажлуудаа долоо хоног, өдрөөр хийх ажлынхаа жагсаалтанд хувааж оруул. Энэ бол том төслийг хийж гүйцэтгэх хамгийн үр дүнтэй арга бөгөөд таны цаг аль болох үр дүнтэй зарцуулагдах болно.
3. Зөвхөн өөрийнхөө хийх ажлыг шийдвэрлэж, үлдсэн ажлаа бусад хүмүүсээр хийлгэ. Өөрөө завгүй ажил хийж, чухал зүйлсийг орхигдуулахаас зайлсхий. Эхлээд танай багт таны гарт байгаа ажлуудыг хийж чадах хүмүүс байгаа эсэхийг хар. Хэрэв байхгүй бол өдөр тутмын нэгэн хэвийн ажлыг харьцангуй хямдаар хийж гүйцэтгэх аргыг хайж олоорой.
4. Таны хийж чадахгүй зүйлсийг сайн хийдэг хүмүүсийг олж, ажилд ав. Танд бичиг цаасны ажил хийх хэрэгтэй төсөл байгаа боловч та үнэхээр юм бичих дургүй юу? Тэгвэл тэрхүү ажлыг зохицуулж, бичих хэн нэгнийг ажилд ав. Ингэснээр таны ачаалал буурна. Өөрийн давуу талтай зүйлийг хийж, хийж чаддагүй, амжихгүй байгаа ажилдаа хүмүүсийг ажилтнаар ав.
5. Зорилгодоо хүрэх эцсийн хугацааг тогтоож, түүндээ хүрэх үед өөрийгөө урамшуул. Эцсийн хугацааг тогтооно гэдэг бол таны хувьд зорилгодоо хүрэх чухал алхам юм. Та бүх зүйлийг цаг хугацаандаа багтааж хийж байгаа эсэхээ бататгахын тулд жинхэнэ эцсийн хугацаанаас хэд хоногийн өмнө хийж дуусган, өөртөө амьсгаа авах боломж олго. Аливаа зүйлсийг эрт хийж дуусгаснаар дараа дараагийн ажаа хоцрохгүй хийх боломжийг олгоно.
6. Өөрийн ажид дээрх анхаарал сарниулсан зүйлсийг арилга. Ажлын өдөр интернет рүү орж, ухаалаг утсаараа тоглож, утсаар хувийн яриа ярьж, хувийн ажил хийхээс зайлсхий. Ингэх нь таны алыан ажлыг үргэлж хойш татах болно. Мөн зорилгодоо хүрэхэд тохиолдох анхаарал сарниулсан бусад зүйлсээс ч холд.
7. И-мэйлүүдээ богино бөгөөд зорилго, утга агуулгатай бич. Нэг өгүүлбэр бичих гэж байгаа бол догол мөр ашиглах хэрэггүй. Ингэх нь таны болон хүлээн авагчийн цаг хугацааг үргүй зарцуулж болох юм. Хүмүүс тодорхой бөгөөд шулуухан и-мэйл мессежүүдэд хурдан хариу өгөх хандлагатай байдаг. Мөн энэ байдалдаа үргэлж эелдэг бөгөөд хүндэтгэлтэй байгааг харуулж байх хэрэгтэй.
