Т.Санчирт Японд тоглох санал иржээ
Солонгосын Инчон хотноо Азийн спортын 17 дугаар наадам болж өндөрлөсөн билээ. Энэ удаагийн “Шар тив”-ийн Олимпт манай улсын сагсан бөмбөгийн эрэгтэй, эмэгтэй баг тун ч сайн оролцож, шилдэг наймд багтсан. Тэр дундаас эрэгтэй багийн шилдэг тамирчин Т.Санчир Азийн шилдгээр нэрлэгдсэн билээ.
Тэгвэл өнөөдөр Т.Санчирт Японы лигт тоглох санал ирсэн сурагтай. Учир нь Мэргэжлийн сүмогийн 68 дахь их аварга Д.Дагвадорж өнөөдөр твиттер хуудсаараа дамжуулж “Т.Санчирт Японд тоглох санал ирж байна. Холбогдох утас байна уу” хэмээн “жиргэсэн” юм. Японы талаас их аваргаар дамжуулан саналаа хүргүүлж байгаа бололтой.
Н.Болд
Эх сурвалж: www.mminfo.mn