Бичлэгийн тоо 3,329
Ганцхан ширхэг хялгасаар бичсэн ном
Монголчууд ганц ширхэг хялгасаар ном бичиж байсан баримт бичиг номын түүхэнд тэмдэглэгдэн үлдсэнээр барахгүй биет дурсгал нь өнөөг хүртэл байсаар байна. Монголын нэрт эрдэмтэн Б.Шагж 1915 онд “Ногоон дарь эхийн тууж” хэмээх судрыг ийнхүү бүтээжээ.
Гэрийн өрхийг бүтээн харанхуй болгоод үдийн нарны хурц гэрлийг ганц хуруу дарам жижиг цоорхойгоор номынхоо хуудсан дээр тусгаж гэрэлд нь ганц ширхэг хялгасны үзүүрээр бичсэн тэрхүү бичиг ном одоо Үндэсний төв номын санд хадгалагддаг.
Түүний хэмжээ нь 6.5смХ6см бөгөөд монголчуудын бүтээсэн хамгийн жижиг ном юм. Сонирхуулахад, Монголд хамгийн анх уншиж сурсан хүүхэд хоёр настай байжээ. Б.Азжаргал гэх хүү хоёр настайдаа анх ном уншиж, гуравтайдаа тоо бодож сурчээ.
Ц.ЗАЯА