Хүүхдийн өсөн торниж төлөвших амьдралын явцад зайлшгүй онцгой чухал үе тохиолддог. Эдгээр шийдвэрлэх үе нь хүүхэд насны тодорхойгүй үе шатанд тааралддаг болохоор эгзэгтэй нас буюу өөрчлөгдөх үе гэж нэрэлдэг. Хүүхдийн 2-4 нас, 7-9 нас, 13-16 насны хооронд бага насны хамгийн чухал эгзэгтэй үе. Эдгээр үед хүүхдийн бие организмд ихээхэн өөрчлөлт явагдана.

2-4 насны үед хүүхэд зөрүүд өөрийнхөөрөө зүтгэдэг болдог бол 7-9 насны үед өөрийгөө дутуу үнэлэх юм уу, голдог байна. Нэг үгээр бол өөрийгөө ямар хүн бэ гэж цэгнэж эхэлдэг.

Харин өсвөр насны үед зан чанарын шинэ шинэ бэрхшээл гарч ирнэ. Ааш зан нь догшин, ширүүн болж юунаас ч айхгүй, аливаад хайхрахгүй, дуулгаваргүй болдог.

Хүүхдийн энэ үеүд бидний зөв буруу хүмүүжүүлэх нөлөөлөл нь аль нь ялгаагүй цаашдын том үр дагавартай байж болнo        99999999999999999999999999999999999999999999999999999999999999999999999999999Эхийн сүү хайр хоёрыг юу ч орлож чадахгүй. Үүнийг байгаль эх бидэнд зохицуулж өгсөн. Гэвч хүүхдийг өсгөх, хөхөөр хооллохын ач холбогдол зэрэг олон зуунаар шалгарсан үндсэн зарчмыг үгүйсгэх, эргэлзэх, туйлшрах гэх мэтчилэн янз бүрийн төөрөгдөл, буруу ташаа ойлголт цөөнгүй байдаг.

Нэг дэх төөрөгдөл: Хөхөөр хооллох албагүй.
Бодит байдал: Худалдаанд янз бүрийн сүүн тэжээл бий. Залуу бүсгүйчүүдийн олонх нь ийм бодол, итгэл үнэмшилтэй байдаг нь мэдлэг мэдээлэл дутсаных ч байж болно. Хэдийгээр эхийн сүүг орлох янз бүрийн тэжээл байдаг ч эхийн сүүтэй яагаад ч эн зэрэгцэж чадахгүй. Үнэ төлбөртэй, угжны савыг байнга угааж, буцалгаж, ариутгаж байх шаардлагатай.

Тэгээд тэр болгон хүүхдэд чинь тохирохгүй. Гэтэл эхийн сүүнд ямар ч ийм хүндрэл байхгүй, хэзээ ч муудахгүй, бүх найрлагаараа чухам таны хүүхдэд тохирсон, хамгийн тааламжтай хэмтэй шүү дээ. Хөхөөр хооллодог эмэгтэйчүүдэд хүүхдийг өлсгөлөн орхино гэсэн ойлголт байдаггүй. Эхийн сүү хүүхдийн бойжилт, оюун ухаанд онцгой сайн нөлөөтэйг шинжлэх ухаан тогтоочихсон.

Хоёр дахь төөрөгдөл: Хүүхдийг цагаар хооллох ёстой.
Бодит байдал: Энэ нь хүүхдээ цагаар хайрла гэсэнтэй адилхан үг юм. Хатуу цагийн болзол, дэглэм хөхүүл хүүхдэд огт хэрэггүй болохыг эрдэмтэд нотолсон байдаг. Цагаар бус, илүүхэн хөхүүллээ гэхэд хүүхдэд ямар ч гаж нөлөөгүй. Илүү ч үгүй дутуу ч үгүй хүүхэд яг өөртөө тохирсон хоолыг сүүгээр авч чаддаг. Өөрөөр хэлбэл байгаль эх энэ онцлогийг нярайчуудад өгсөн юм. Харин сүүгээ хангалттай авч чаддаггүй, байнга гоморхон уйлдаг хүүхдийн оюун ухааны хөгжил харьцангуй сул байдгийг сэтгэлзүйчид онцлон тэмдэглэжээ.

Гурав дахь төөрөгдөл: Хүүхдэд сүүний хажуугаар заавал ус өгөх хэрэгтэй.
Бодит байдал: Эхийн сүү бол хоол. Эхийн сүүнд хүүхдийн цангааг тайлах хангалттай шингэн байдаг. Хэрэв хүүхэд хоол нойрондоо сайн, хэвийн байгаа бол түүнд нэмэлт ус хэрэггүй. Нярай хүүхэд ус уух тусам, сүүгээ бага хөхөж түүнд шаардлагатай тэжээллэг бодис, аминдэмийг авч чадахгүйд хүрдэг. Харин хэт их халуун өдөр ч юм уу шээс нь бараандуу хэмжээ нь бага байвал цэвэр ус бага зэргийг өгч болох юм. Гэхдээ амтлагч хийх хэрэггүй.

Дөрөв дэх төөрөгдөл: Хүүхдийг өлгийдөж байгаад хөхүүлэх хэрэгтэй.
Бодит байдал: Тэгвэл гараа хөдөлгөж савчуулахгүй амар гэж хүмүүс боддог. Хөхүүлэх үйл явц нь эхийн хайрыг хөгжүүлэн боловсруулж, хүүхдийг эхтэйгээ харьцаж сургах алхам юм. Эхийнхээ арьсанд шүргэн байж л хүүхэд эхийн хайрыг мэдэрдэг.

Гэтэл хүүхдийг дангинатал өлгийдөж хүлэх, эсвэл бүрэн хувцасласнаар үртэйгээ харьцах тэр нандин, нарийн мэдрэмж алдагдана. Дашрамд хэлэхэд, хүүхдийг нүцгэн хөхүүлж сургавал өвчнөөс урьдчилан сэргийлэх, чийрэгжүүлэхэд тустай. Энэ үед та ч мөн хүүхдийнхээ алга, хөлний уланд хөнгөхөн иллэг хийж байвал зүгээр999999999999999999999999999999999999999999999999999999999999999