Хүүхдийг бага зэрэг өвдсөн үед хэрэглэж болох хамгийн сайн эмүүд гал тогоонд байдгийг та мэдэх үү?. Хүчтэй, үнэтэй эм тариа хэрэглэхгүйгээр танайд үргэлж байдаг ногоо, жимс, ус, давсаар хэрхэн эмчилж болохыг зөвлөе. Хамба шарилж Гэдэсний өвчин ба хоолой өвдөх үед нэгээс хоёр цайны халбага хатаасан хамба шарилжны цэцгийг нэг аяга халуун усанд хийж 10 минут байлгаад уулгана. Хамба шарилж нь үрэвсэл намдаах үйлчилгээтэй ба бактери мөөгөнцрийг үхүүлдэг. Гоньд Нярай хүүхдийн гэдэс дүүрэх буюу гэдэс өвдөх үед хагас цайны халбага, нэгээс дээш насны хүүхдэд нэг цайны халбага нүдсэн гоньдыг хагас литр буцалж байгаа усанд хийж 10 минут битүү байлгаад дараа нь шүүж уулгана. Царван Хүүхдийн ам гэмтэх, амны хөндий өвчлөх, шүдний буйлнаас цус гарах, мөн хоолой өвдөх үед нэг цайны халбага царванг хагас литр буцалж байгаа усанд хийж 10 минут байлгаад шүүнэ. Цаг тутамд хоолойг нь зайлна. Давс Хамар битүүрэх үед хамрын дусаалга болгон ашиглаж болно. Нярай болон бага насны хүүхдэд 0.9 хувийн давсны уусмал хамгийн тохиромжтой. Үүнийг бэлтгэхийн тулд 9 грамм хоолны давсыг нэг литр буцалсан усанд уусгана. Уусмалаа хоёр өдөрт нэг удаа шинээр бэлтгээрэй.