Бичлэгийн тоо 2,391
Биднийг өршөө. Чадвал битгий л харааж зүхээрэй. Яаж ч чадаагүй нь үнэн. Яах аргагүй бидний түмэн буруу.
Эцсийн нэг өдөр биднийг шүүх, Эх орны жинхэнэ эздээс энэ цаг үеийнхээ 2 сая 700 мянган хүний нэрийн өмнөөс уучлал гуйя.
Хойч үеийн Монгол улсын бүрэн эрхт эзэн таниас, эрх ямба, идээ будаа, өнгө мөнгөнд “цатгалдаж” эх орон байтугай эцэг эх, элгэн саднаа ч “өвөр зуураа” эсбөгөөс “өрөөл бусдад” зарж суугаа, нэгэн он тоолол дор арьс ширний цехийн хорт хаягдалтай нэг голын уснаас цуг ундаалж, “Освенциум” – оос дутахгүй яндангын утаанд хамт хордож байгаа өнөө цагийн “Ардчилсан сонгууль”-аар гарч ирдэг 76 удирдагчдын нэрийн өмнөөс уучлал гуйя.
Архи ууж мансуурахдаа л эх оронч болчихдог ааг омог нь багтаж ядсан мэт ч, арааных нь ч пянг даахгүй арчаагүй ч, аргатай новшнуудад, хонины морь шиг хазаарлуулан номхорсон түг түмэн хийморь нь *үхчихсэн* *эрэлхэг* эрчүүдийнхээ нэрийн өмнөөс уучлал гуйя.
Би Чингисийн удам гэж Лондон ч юм уу Сан Франциско, Сөүлийн бааранд нус нулимсаа унаган “гоншигнох” ч үнэндээ хар амиа бодон, эх орноо хаяад одсон 130 мянган “элит”-үүдийн нэрийн өмнөөс уучлал гуйя.
Жирэмсэн эмийн шээх газраас холдож үзээгүй атал, жинхэнэ “улстөрч”, нутгийн ахын буянаар харанхуй хөмөрсөн тогоон дотроос гэв гэнэтхэн хуучин хүү шинэ хүү болон хувирч, аймгийн төв, хот суурин бүр алгасаад хөгжингүй баруунд хөл тавьсан ч, өнөөх л өчигдөр “Улаан хацартай” явсан шигээ эх орныхоо газар шороог “Улаанаар нь эргүүлэх” орчин цагийн бизнесмен нэртэй гадны боссуудын түүхий эд бэлтгэгчдийн нэрийн өмнөөс уучлал гуйя.
Бүх л бурууг *бакиал* шиг тэнэг эрчүүддээ тохож, бүрэнхий шөнө бусдын нөхөртэй сэмбэлзэх, эрдэм мэдлэг үзэсгэлэн гоо нь эн тэнцүүхэн ч, хүүхэд төрүүлэхээс хөрөнгө хураахыг илүүд үзэх тэр бүсгүйчүүдийн өмнөөс өршөөл эрье.
Уучлаарай, ирээдүйн Иргэн та...
Увайгүй энэ захидлыг уншиж буй тэр агшинд чинь Монголын их говь шанхийн нутагт гурав дөрвөн асар том хар нүх ангайж харлаад, ийм болно тийм болно гэсэн гоё гоё рекламтай зурагт самбарууд руу нь ганц нэг золбин нохой шээж харагдах байх.
Уг нь наад хар нүхнүүд чинь алт эрдэнэсээр дүүрэн байсан юм. Бидний энэ үед.
Харийхан биш харийнханаас ч дор харалган “энэ цагийн эзэд бид” хамтдаа хамж аваачаад харийханд өгчихсөн юм.
Та нарын үед алт зэс, одооны алт зэснээс хэдэн зуу дахин үнэтэй болчихсон, түүнээс болж Антарктид тив дээр дайны гал дүрэлзэж байгаа биз.
Айлын ус буцалгагчаас Атомын бөмбөг хүртэл алт, зэсгүй бол ажиллахгүй гэдгийг амьдран буй энэ цаг үед маань харамсалтай нь ойлгох хүн ховор байна.
Бидэнд өвөг дээдэс байгаагүй мэт биднээс та нар төрж үлдэхгүй мэт аашилж байна.
Тэгээд л би “найз”-уудынхаа өмнөөс уучлал гуйя. Намайг ч гэсэн оруулаад бид бүгдийг уучлаарай.
2009/08/06 A.A
Эцсийн нэг өдөр биднийг шүүх, Эх орны жинхэнэ эздээс энэ цаг үеийнхээ 2 сая 700 мянган хүний нэрийн өмнөөс уучлал гуйя.
Хойч үеийн Монгол улсын бүрэн эрхт эзэн таниас, эрх ямба, идээ будаа, өнгө мөнгөнд “цатгалдаж” эх орон байтугай эцэг эх, элгэн саднаа ч “өвөр зуураа” эсбөгөөс “өрөөл бусдад” зарж суугаа, нэгэн он тоолол дор арьс ширний цехийн хорт хаягдалтай нэг голын уснаас цуг ундаалж, “Освенциум” – оос дутахгүй яндангын утаанд хамт хордож байгаа өнөө цагийн “Ардчилсан сонгууль”-аар гарч ирдэг 76 удирдагчдын нэрийн өмнөөс уучлал гуйя.
Архи ууж мансуурахдаа л эх оронч болчихдог ааг омог нь багтаж ядсан мэт ч, арааных нь ч пянг даахгүй арчаагүй ч, аргатай новшнуудад, хонины морь шиг хазаарлуулан номхорсон түг түмэн хийморь нь *үхчихсэн* *эрэлхэг* эрчүүдийнхээ нэрийн өмнөөс уучлал гуйя.
Би Чингисийн удам гэж Лондон ч юм уу Сан Франциско, Сөүлийн бааранд нус нулимсаа унаган “гоншигнох” ч үнэндээ хар амиа бодон, эх орноо хаяад одсон 130 мянган “элит”-үүдийн нэрийн өмнөөс уучлал гуйя.
Жирэмсэн эмийн шээх газраас холдож үзээгүй атал, жинхэнэ “улстөрч”, нутгийн ахын буянаар харанхуй хөмөрсөн тогоон дотроос гэв гэнэтхэн хуучин хүү шинэ хүү болон хувирч, аймгийн төв, хот суурин бүр алгасаад хөгжингүй баруунд хөл тавьсан ч, өнөөх л өчигдөр “Улаан хацартай” явсан шигээ эх орныхоо газар шороог “Улаанаар нь эргүүлэх” орчин цагийн бизнесмен нэртэй гадны боссуудын түүхий эд бэлтгэгчдийн нэрийн өмнөөс уучлал гуйя.
Бүх л бурууг *бакиал* шиг тэнэг эрчүүддээ тохож, бүрэнхий шөнө бусдын нөхөртэй сэмбэлзэх, эрдэм мэдлэг үзэсгэлэн гоо нь эн тэнцүүхэн ч, хүүхэд төрүүлэхээс хөрөнгө хураахыг илүүд үзэх тэр бүсгүйчүүдийн өмнөөс өршөөл эрье.
Уучлаарай, ирээдүйн Иргэн та...
Увайгүй энэ захидлыг уншиж буй тэр агшинд чинь Монголын их говь шанхийн нутагт гурав дөрвөн асар том хар нүх ангайж харлаад, ийм болно тийм болно гэсэн гоё гоё рекламтай зурагт самбарууд руу нь ганц нэг золбин нохой шээж харагдах байх.
Уг нь наад хар нүхнүүд чинь алт эрдэнэсээр дүүрэн байсан юм. Бидний энэ үед.
Харийхан биш харийнханаас ч дор харалган “энэ цагийн эзэд бид” хамтдаа хамж аваачаад харийханд өгчихсөн юм.
Та нарын үед алт зэс, одооны алт зэснээс хэдэн зуу дахин үнэтэй болчихсон, түүнээс болж Антарктид тив дээр дайны гал дүрэлзэж байгаа биз.
Айлын ус буцалгагчаас Атомын бөмбөг хүртэл алт, зэсгүй бол ажиллахгүй гэдгийг амьдран буй энэ цаг үед маань харамсалтай нь ойлгох хүн ховор байна.
Бидэнд өвөг дээдэс байгаагүй мэт биднээс та нар төрж үлдэхгүй мэт аашилж байна.
Тэгээд л би “найз”-уудынхаа өмнөөс уучлал гуйя. Намайг ч гэсэн оруулаад бид бүгдийг уучлаарай.
2009/08/06 A.A
