Бичлэгийн тоо 2,391
Фото Харшлалт хэмээх шороон үхэр жилийн сар шинийн баярт зориулсан Үндэсний бөхийн барилдаан тун сайхан болж өндөрлөлөө. Үхэр жилд бөхчүүдийн өнгө ямар байхыг тодруулдаг гэгддэг Сар шинийн барилдаанд, улс, аймаг, цэргийн цолтой 256 бөх хүч бяраа сорьлоо. Монгол бөхөө хайрлан хүндэтгэдэг түмэн олон гэрийнхээ хойморт телевизийн дэлгэцнээс болон 2500 хүний суудалтай Монгол бөхийн өргөөнөө тухлан саатаж, үзэж сонирхсон юм. Сар шинийн барилдаан тун сонирхолтой өрнөж шөвгийн дөрөвт Архангай аймгийн харъяат, далай аварга Г.Өсөхбаяр, Увс аймгийн харъяат улсын заан Б.Ганбат, харцага Н.Баасандорж, улсын начин Ду.Батбаяр нар шөвгийн дөрөвт тунан үлдсэн. Харин үзүүр түрүү булаалдахаар Архангай аймгийн харъяат, далай аварга Г.Өсөхбаяр, Увс аймгийн харъяат улсын заан Б.Ганбат нар хүч үзсэн юм. Барилдаан тун хурдан өрнөж, далай аварга Г.Өсөхбаяр өвдөг шороодсоноор Сар шинийн барилдаан өндөрлөлөө. Битүүний барилдаанд Монгол Улсын Ерөнхийлөгч Н.Энхбаяр, УИХ-ын дарга Д.Дэмбэрэл, Ерөнхий сайд С.Баяр нар морилон ирсэн байлаа. Мөн Хакухо Даваажаргал хүрэлцэн ирсэн юм