Мөнгөгүй хүний ирээдүй нэг бүрхэг
Мөрийтэй тоглоомчдын амьдрал нэг бүрхэг
Төргүй ард түмний төөрөг нэг бүрхэг
Ярьдаг томчуудын баталсан хууль нэг цоорхой
Ятгасны үгээр зардаг төсөв нэг цоорхой
Хор найруулаад улс төрчид завгүй
Хоёуланд нь түүртээд төр завгүй
Лам лам дагаад шашин нэг бутархай
Ийш тийш цацсаар эдийн засаг нэг бутархай
Түмэнд амласнаа биелүүлэхдээ нэг өөр
Төсөл хөтөлбөрийн зарцуулалт нэг өөр
Төгс төгөлдөр дүр эсгэдэг нэр дэвшигч нэг бахдам
Түүнд нь сүнсгүй итгэдэг түмэн олон нэг бахдам
Арын хаалгаар дэвшсэн түшээд нэг долдой
Андын үгийг худалдсан авилгач нэг долдой
Давсаг шээсээр баян
Дэлэн сүүгээр баян
Дарга бялдуучдаар баян